realme က တန်ဖိုးနည်း တက်ဘလက် အသစ် ၁ လုံးကို အိန္ဒိယမှာ ကြေညာမယ့်နေ့ကို ပြောကြားလိုက်ပါတယ်။ realme Pad 2 Lite လို့ အမည်ပေးထားပြီး ဒီဇိုင်းကိုလည်း သိလာရပါပြီ။ အဲဒီ တက်ဘလက်ကို အိန္ဒိယမှာ ၁၃ ရက်နေ့ ကြေညာမှာ ဖြစ်ပါတယ်။ Teaser မှာ တက်ဘလက်ရဲ့ အဓိက Specs နဲ့ Features တွေကို ဖော်ပြထားပါတယ်။
တက်ဘလက်မှာ ရှည်လျားတဲ့ Display တပ်ဆင်ထားမှာ ဖြစ်ပြီး 90Hz Refresh Rate နဲ့ 2K Resolution (1920×1200 pixels) ထောက်ပံ့ထားမှာ ဖြစ်ပါတယ်။ Panel ဟာ 450 Nits Peak Brightness ရစေတဲ့ Eye Comfort Display ဖြစ်ပါတယ်။ ကြီးမားတဲ့ 8,300mAh Battery ထည့်သွင်းထားမှာ ဖြစ်ပါတယ်။
MediaTek Helio G99 SoC မောင်းနှင်ထားမှာ ဖြစ်ပြီး 8GB RAM ( Virtual RAM Expansion နဲ့ ဆိုရင် 16GB အထိရ) ပါလာမှာပါ။ Android 14 OS အခြေပြု realme UI 5.0 Custom Skin ထည့်သွင်းထားမှာပါ။
realme Pad 2 Lite ရဲ့ ဒီဇိုင်းနဲ့ Specs ဟာ realme Pad 2 နဲ့ တော်တော် တူပေမယ့် Specs တချို့ကို လျှော့ချထားပါတယ်။ တက်ဘလက် အသစ်မှာ 15W Wired Charging ပါလာနိုင်ပါတယ်။ ကင်မရာ အနေနဲ့ အနောက်ဘက်မှာ 8MP နဲ့ အရှေ့ဘက်မှာ 5MP တပ်ဆင်ထားနိုင်ပါတယ်။ စတီရီယို စပီကာ ၄ လုံး ပါလာနိုင်ပါတယ်။
Ref : gizmochina
