realme က X2 ရဲ့ 8/256GB Version ကို အိန္ဒိယမှာ ရောင်းချပေးလိုက်ပါတယ်။ ကုမ္ပဏီက အဲဒီ Version ရဲ့ ဈေးကို မပြောသေးပေမယ့် Flipkart က ရူပီး ၂၄,၉၉၉ နဲ့စာရင်းတင်ထားတဲ့အတွက် မြန်မာငွေ ၄ သိန်းခွဲလောက် ကျသင့်မှာပါ။ Flipkart မှာ ဇူလိုင်လ ၂၁ ရက်နေ့ ရောင်းမှာပါ။
အဲဒီနေ့မှာပဲ realme X2 8/256GB Version ကို realme တရားဝင် အိန္ဒိယ ဝက်ဘ်ဆိုက်ကနေ ရောင်းချမှာ ဖြစ်ပေမယ့် အခုထက်ထိ စာရင်းမတင်သေးပါဘူး။ realme X2 မှာ Snapdragon 730G SoC မောင်းနှင်ထားပါတယ်။ အရင်က အိန္ဒိယမှာ 4/64GB , 6/64GB နဲ့ 8/128GB Version တွေ ရောင်းချပေးထားပြီး ၁၆,၉၉၉ ၊ ၁၈,၉၉၉ နဲ့ ၁၉,၉၉၉ ရူပီး အသီးသီး သတ်မှတ်ထားပါတယ်။ မြန်မာငွေ ၃ သိန်း ၁ သောင်း၊ ၃ သိန်း ၄ သောင်းနဲ့ ၃ သိန်း ၆ သောင်းလောက် အသီးသီး ကျသင့်မှာပါ။
X2 နဲ့အတူ realme က အိန္ဒိယမှာ 6/64GB ပါတဲ့ realme 6 မော်ဒယ် အသစ်ကိုလည်း ကြေညာလိုက်ပြီး ၁၅,၉၉၉ ရူပီး သတ်မှတ်ထားပါတယ်။ မြန်မာငွေ ၂ သိန်း ၉ သောင်းလောက်ကျသင့်မှာ ဖြစ်ပြီး Flipkart နဲ့ realme ရဲ့ တရားဝင် ဝက်ဘ်ဆိုက်ကနေ ရောင်းပေးထားပါတယ်။ realme 6 မှာ Helio G90T SoC , 90Hz LCD Full HD+ မျက်နှာပြင်တွေ ထည့်သွင်းထားပါတယ်။
Ref : gsmarena
