OnePlus ကနေ အခုအချိန်မှာ ဒီနှစ်အတွက် Flagship ဖုန်းတွေဖြစ်တဲ့ OnePlus 8 Series ဖုန်းတွေကို မကြာခင်မိတ်ဆက်သွားတော့မှာဖြစ်ပါတယ်။ လက်ရှိသိထားရတဲ့သတင်းတွေအရတော့ အဆိုပါ OnePlus 8 Series ဖုန်းတွေဟာ 5G Support ရရှိလာမှာလည်း ဖြစ်ပါတယ်။
ဘာပဲဖြစ်ဖြစ် လက်ရှိသတင်းတွေအရ OnePlus 8 Series ဖုန်းတွေဟာ လာမယ့် ဧပြီလ ၁၅ ရက်နေ့မှာ တရားဝင်မိတ်ဆက်သွားမယ်လို့ သိရပေမယ့် ဓါတ်ပုံတွေအပြင် Render ပုံတွေ၊ Specification တွေက ဆက်တိုက်ပေါက်ကြားနေပါပြီ။ အခုလည်း OnePlus ရဲ့ Brand Ambassador ဖြစ်တဲ့ Iron Man တဖြစ်လဲ Robert Downey Jr. ကနေ OnePlus 8 Pro ကို ကိုင်ဆောင်ထားတဲ့ဓါတ်ပုံပေါက်ကြားလာခဲ့ပါတယ်။
အခုဓါတ်ပုံအရ လက်ရှိသတင်းတွေထွက်ရှိနေသလိုမျိုးပဲ OnePlus 8 Pro က ဒေါင်လိုက် Quad Camera Setup ကိုအသုံးပြုလာဖို့က သေချာသွားပြီဖြစ်ပြီး အရောင်အနေနဲ့ အနီရောင် သို့မဟုတ် ကြက်သွေးရောင်လို့ ယူဆရပါတယ်။ အဆိုပါ ဓါတ်ပုံကို Instagram ပေါ်ကို မတော်တဆတင်ထားခဲ့တာဖြစ်ပြီး အခုအချိန်မှာတော့ ပြန်လည်ဖျက်လိုက်ပြီဖြစ်ပါတယ်။
ဘာပဲဖြစ်ဖြစ် OnePlus 8 Series ဖုန်းတွေဟာ Qualcomm Snapdragon 865 Processor ၊ 120Hz QHD+ AMOLED Display နဲ့ 50W Fast Charging တွေကိုပါ Support ပြုလုပ်လာနိုင်ဖွယ်ရှိနေပါတယ်။
Ref – Android Central
