Samsung ဟာ မတ်လ ၁၇ ရက်နေ့မှာ Galaxy A Series စမတ်ဖုန်း အသစ်တွေကို ကြေညာမယ်လို့ အတည်ပြုလိုက်ပြီး Galaxy A53 နဲ့ Galaxy A73 တို့ ဖြစ်နိုင်ပါတယ်။ အဲဒီ စမတ်ဖုန်းတွေမှာ 5G ဆက်သွယ်မှု ထည့်သွင်းထားနိုင်ပြီး ပေါက်ကြားနေတဲ့ သတင်းတွေအရ Galaxy A53 မှာ Super AMOLED Infinity-O မျက်နှာပြင် ပါလာမှာပါ။ Full HD+ Resolution ထောက်ပံ့ထားနိုင်ပြီး 120Hz Refresh Rate ပါလာနိုင်ပါတယ်။
Exynos 1200 SoC မောင်းနှင်ထားနိုင်ပြီး 6GB RAM နဲ့ 256GB Storage အထိ ရွေးချယ်နိုင်မှာပါ။ Android 12 အခြေပြု One UI 4.1 မောင်းနှင်ထားနိုင်ပြီး OIS Support ပါတဲ့ 64MP Main ကင်မရာ ၊ 12MP Ultrawide ၊ 5MP Depth နဲ့ 5MP Macro ကင်မရာတွေကို အနောက်ဘက်မှာ တပ်ဆင်ထားနိုင်ပါတယ်။ ဆဲလ်ဖီး ကင်မရာ အတွက် 32MP တပ်ဆင်ထားနိုင်ပါတယ်။
မျက်နှာပြင်အောက်လက်ဗွေရာ ကိရိယာ ပါလာနိုင်ပြီး NFC, USB Type-C တွေ ထောက်ပံ့ထားနိုင်ပါတယ်။ 25W Fast Charging ပါတဲ့ 5,000mAh ဘက်ထရီ တပ်ဆင်ထားနိုင်ပါတယ်။
Samsung ဟာ Galaxy A73, Galaxy A33 နဲ့ A23 တို့ရဲ့ Specs တွေကိုလည်း အတည်ပြုထားပြီးပြီ ဖြစ်ပြီး မတ်လ ၁၇ ရက်နေ့မှာ အဲဒီ စမတ်ဖုန်းတွေကိုပါ ကြေညာနိုင်ပါတယ်။
Ref : gizchina
