ပြီးခဲ့တဲ့ တစ်ပတ်က Samsung Galaxy A03s ကို Bluetooth ဆက်သွယ်မှု မှတ်ပုံတင်ခဲ့ပြီး အခုတော့ Geekbench မှာ တွေ့လာရပြီ ဖြစ်ပါတယ်။ Geekbench မှာ အဲဒီ စမတ်ဖုန်းရဲ့ အဓိက Specifications တွေကို ဖော်ပြထားပါတယ်။
Geekbench က ဒေတာဘေ့စ်အရ Galaxy A03s (SM-A037F) မှာ Android 11 Operating System မောင်းနှင်ထားပြီး MediaTek Helio G35 SoC မောင်းနှင်ထားပါတယ်။ အဲဒီ စမတ်ဖုန်းမှာ 4GB RAM ထည့်သွင်းထားတယ်လို့ Geekbench မှာ ဖော်ပြထားပေမယ့် တခြား Memory Options တွေလည်း ထုတ်လုပ်ရောင်းချနိုင်ပါတယ်။
Geekbench မှာ Galaxy A03s ရဲ့ တခြား Specifications တွေကို မဖော်ပြထားသေးပါဘူး။ ဒါပေမယ့် အရင်က ထွက်ခဲ့တဲ့ ပေါက်ကြားသတင်းတွေအရ အဲဒီ စမတ်ဖုန်းမှာ ၆.၅ လက်မ LCD မျက်နှာပြင် တပ်ဆင်ထားနိုင်ပါတယ်။ Notch မှာ 5MP ဆဲလ်ဖီး ကင်မရာ ၁ လုံးနဲ့ အနောက်ဘက်မှာ 13MP Main , 2MP ကင်မရာ ၂ လုံး စုစုပေါင်း ကင်မရာ ၃ လုံး ထည့်သွင်းထားနိုင်ပါတယ်။
Galaxy A03s မှာ ဘေးဘက်လက်ဗွေရာ ကိရိယာ၊ နားကြပ်ပေါက်နဲ့ USB-C Port တွေ ပါလာနိုင်ပါတယ်။ အဲဒီ စမတ်ဖုန်းရဲ့ Storage Capacity ၊ ဘက်ထရီ အရွယ်အစားနဲ့ အားသွင်း အမြန်နှုန်းတွေကို မသိရသေးပေမယ့် မကြာခင် သိလာရနိုင်ပါတယ်။
Ref : gsmarena
