Samsung က ၂၀၂၀ ခုနှစ် ပထမနှစ်ဝက်မှာ Galaxy A31 ကို ကြေညာခဲ့ပြီး Android 10 အခြေပြု One UI 2.x ထည့်သွင်းထားပါတယ်။ ၂၀၂၁ ခုနှစ် ဧပြီလမှာ Android 11 အခြေပြု One UI 3.1 ကို ဖြန့်ချိပေးခဲ့ပါတယ်။ အခုတော့ ၁ နှစ်ကျော် အကြာမှာ အဲဒီ ဖုန်းအတွက် Android 12 Update ကို ထုတ်လုပ်ပေးလိုက်ပါတယ်။
SamMobile က Samsung ဟာ Galaxy A31 အတွက် Android 12 အခြေပြု One UI 4.1 ကို ဖြန့်ချိပေးလိုက်တယ်လို့ ပြောပါတယ်။ Update မှာ လုပ်ဆောင်ချက် အသစ်တွေနဲ့ ၂၀၂၂ ခုနှစ် ဧပြီလအတွက် Security Patch ပါလာပါတယ်။
OTA Update ကို လက်ရှိ ရုရှားမှာ ဖြန့်ချိပေးလိုက်ပြီ ဖြစ်ပြီး Firmware Version က A315FXXU1DVD8 ဖြစ်ပါတယ်။ လာမယ့် ရက်ပိုင်းအတွင်း တခြား နိုင်ငံတွေမှာ ဖြန့်ချိပေးမယ်လို့ သိရပါတယ်။
Android 12 ဟာ Galaxy A31 အတွက် Major System Update ဖြစ်ပါတယ်။ Galaxy A51 နဲ့ Galaxy A71 တို့လို မဟုတ်ဘဲ Android Update ၂ ခုပဲ ရမှာ ဖြစ်ပြီး အခုဆိုရင် ၂ ခုစလုံး ရရှိသွားပါပြီ။ ဒါပေမယ့် Security Update တွေကိုတော့ ထပ်ရဦးမှာပါ။
Samsung Galaxy A31 မှာ ၆.၄ လက်မ FHD+ AMOLED မျက်နှာပြင်၊ MediaTek Helio P65 SoC ၊ 48MP Wide , 8MP Ultrawide, 5MP Macro နဲ့ 5MP Depth ကင်မရာ ၄ လုံး ထည့်သွင်းထားပါတယ်။ အရှေ့ဘက်မှာ 20MP ဆဲလ်ဖီး ကင်မရာ ၊ 5,000mAh ဘက်ထရီနဲ့ 15W Charging တွေ ပါပါတယ်။
Ref : gizmochina
