နာမည်ကျော် Tipster ၁ ယောက် ဖြစ်တဲ့ Steve Hemmerstoffer က နောက်ထွက်မယ့် Samsung Galaxy Tab A8 (2021) ရဲ့ ဓါတ်ပုံတွေကို စက်တင်ဘာလက မျှဝေခဲ့ဖူးပါတယ်။ အခုတော့ အဲဒီ တက်ဘလက်ကို Bluetooth SIG Authority က ခွင့်ပြုလိုက်ပြီ ဖြစ်တဲ့အတွက် Samsung က မကြာခင် တရားဝင် ကြေညာနိုင်ပါတယ်။
Bluetooth SIG မှာ Samsung Galaxy Tab A8 (2021) ရဲ့ မော်ဒယ်နံပါတ်က SM-X205 ဖြစ်ပြီး Bluetooth 5.0 ဆက်သွယ်မှု ပါလာမယ်လို့ အတည်ပြုထားပါတယ်။ ဒါပေမယ့် တက်ဘလက်ရဲ့ တခြား Specification တွေကို အဲဒီမှာ မဖော်ပြထားသေးပါဘူး။
အရင်က ပေါက်ကြားသတင်းတွေအရ Samsung Galaxy Tab A8 (2021) မှာ ၁၀.၄ လက်မ TFT မျက်နှာပြင် ပါလာမှာ ဖြစ်ပြီး Full HD+ Resolution (1920×1200 pixels) ထောက်ပံ့ထားမှာ ဖြစ်ပါတယ်။ ရုရှားမှာ မကြာခင်က ကြေညာခဲ့တဲ့ HTC A100 မှာ ပါတဲ့ Unisoc T618 ကို Samsung Galaxy Tab A8 (2021) မှာ ထည့်သွင်းထားနိုင်ပါတယ်။
နိုင်ငံအလိုက် တက်ဘလက်ရဲ့ မတူညီတဲ့ မော်ဒယ်တွေကို ရောင်းချနိုင်ပါတယ်။ 3GB RAM/32GB Storage , 4GB RAM/64GB Storage နဲ့ 4GB RAM/128GB Storage တွေကို ထုတ်လုပ်ရောင်းချနိုင်ပြီး microSD Card Slot ပါလာနိုင်ပါတယ်။
Samsung Galaxy Tab A8 (2021) မှာ 15W Charging ထောက်ပံ့တဲ့ 7,040mAh ဘက်ထရီ ထည့်သွင်းထားနိုင်ပြီး အနောက်ဘက်မှာ 8MP နဲ့ အရှေ့ဘက်မှာ 5MP ကင်မရာ ၁ လုံးစီ တပ်ဆင်ထားနိုင်ပါတယ်။
WiFi Only နဲ့ LTE Version တွေ ထုတ်လုပ်ထားနိုင်ပြီး ရွှေ၊ ငွေနဲ့ အညိုရောင်တွေ ရွေးချယ်နိုင်မှာပါ။ တက်ဘလက်ရဲ့ ဈေးနှုန်း ပေါက်ကြားထွက်ပေါ်လာခြင်း မရှိသေးပေမယ့် Bluetooth SIG ကိုရောက်လာပြီ ဖြစ်တဲ့အတွက် ဒီလနှောင်းပိုင်း သို့မဟုတ် ဒီဇင်ဘာလ အစောပိုင်းမှာ ကြေညာနိုင်ပါတယ်။
Ref : gizmochina
