Solaris ဆိုတာ Italy နိုင်ငံက MASK Architects ရဲ့ ကိုယ်တိုင်အားသွင်းနိုင်တဲ့ Concept နေစွမ်းအင်သုံး ဆိုင်ကယ်တစ်စီး ဖြစ်ပါတယ်။ သူက နေရောင်ခြည်စွမ်းအင် သက်သက်နဲ့ မောင်းနှင်တာဖြစ်ပြီး ပလပ်ထိုးဖို့၊ လောင်စာဆီထည့်ဖို့ ဒါမှမဟုတ် ဓာတ်အားလိုင်း ချိတ်ဆက်ဖို့ လုံးဝ မလိုပါဘူး။
သူ့ရဲ့ ထူးခြားတဲ့ အချက်ကတော့ ရပ်နားထားတဲ့အချိန်မှာ ဖြန့်ကားထွက်လာနိုင်တဲ့ ခေါက်သိမ်းလို့ရတဲ့ နေရောင်ခြည်စွမ်းအင်သုံး “အတောင်ပံ” တွေ ပါဝင်တာပဲ ဖြစ်ပါတယ်။ အဲဒီ အတောင်ပံတွေက နေရောင်ခြည်ဖမ်းယူနိုင်တဲ့ ဧရိယာကို ၁၅၀% အထိ တိုးမြင့်ပေးပြီး နေ့ဘက် အလင်းရောင်ရတဲ့ ဘယ်လိုအခြေအနေမျိုးမှာမဆို သူ့ရဲ့ လစ်သီယမ်ဘက်ထရီကို ကိုယ်တိုင် ပြန်လည်အားသွင်းပေးနိုင်ပါတယ်။
Solaris ဟာ သဘာဝတရားကို အခြေခံထားတဲ့ Concept ဆိုင်ကယ်ဖြစ်ပြီး ပေါ့ပါးတဲ့ အလူမီနီယမ်-ကာဗွန် ဖရိန်နဲ့ ကျားသစ်တစ်ကောင်လို ပုံစံမျိုး ဒီဇိုင်းထုတ်ထားပါတယ်။ သူ့ရဲ့ ဒီဂျစ်တယ် Cockpit က စွမ်းအင်အခြေအနေကို စောင့်ကြည့်စစ်ဆေးဖို့ အက်ပ်တစ်ခုနဲ့ ချိတ်ဆက်ထားပါတယ်။
သာမန် လျှပ်စစ်ဆိုင်ကယ်တွေနဲ့ မတူတာကတော့ သူ့မှာပါတဲ့ ဆိုလာဆဲလ်တွေနဲ့ စွမ်းအင်ရယူသလို၊ ဖြန့်ကားလို့ရတဲ့ အတောင်ပံတွေက ရပ်နားထားချိန်မှာရော ရွေ့လျားနေချိန်မှာပါ ဘက်ထရီကို အားသွင်းပေးနိုင်တာပါ။
MASK Architects က Solaris ကို အားသွင်းဖို့ အဆောက်အအုံတွေ ရှားပါးတဲ့ နေရာတွေ၊ ဝေးလံခေါင်ဖျား ဒေသတွေ၊ လျှပ်စစ်မီးမရနိုင်တဲ့ ခရီးစဉ်တွေ ဒါမှမဟုတ် ကာဗွန်ထုတ်လွှတ်မှု နည်းပါးတဲ့ မြို့ပြဇုန်တွေအတွက် ရည်ရွယ်ပြီး ဒီဇိုင်းရေးဆွဲထားတာ ဖြစ်ပါတယ်။
Ref : Technology Innovation
