Tecno က ဇန်နဝါရီလမှာ Pop 5 Pro ကို ကြေညာခဲ့ပြီး အခုတော့ ၈ လအကြာမှာ Pop 6 Pro ကို မိတ်ဆက်လိုက်ပါတယ်။
Tecno Pop 6 Pro မှာ ၆.၆ လက်မ HD+ မျက်နှာပြင် ပါလာပြီး Notch မှာ 5MP ဆဲလ်ဖီး ကင်မရာ တပ်ဆင်ထားပါတယ်။ အနောက်ဘက်မှာ 8MP Main နဲ့ Depth Sensor ၂ လုံးကို ပူးတွဲထားပါတယ်။
Pop 6 Pro မှာ အမည်မသိရတဲ့ Quad-core Processor မောင်းနှင်ထားပြီး 2GB RAM နဲ့ 32GB Storage ပါလာပါတယ်။ Android 12 (Go Edition ) အခြေပြု HiOS 8.6 မောင်းနှင်ထားပြီး အရွယ်ကြီး 5,000mAh ဘက်ထရီ ပါပါတယ်။ 4G ဆက်သွယ်မှု ထောက်ပံ့ထားပြီး ဘေးဘက်လက်ဗွေရာ ကိရိယာ ပါပါတယ်။
Peaceful Blue နဲ့ Polar Balck ၂ ရောင် ထုတ်လုပ်ထားပြီး Tecno ရဲ့ တရားဝင် ဘင်္ဂလားဒေ့ရှ် ဝက်ဘ်ဆိုက်မှာ ရောင်းချပေးနေပါပြီ။ ဈေးနှုန်းကိုတော့ မသိရသေးပါဘူး။
Enter the arena with the new TECNO POP 6 Pro, an exclusive smartphone you've been waiting for so long.
With 6.56’HD+ Dot Notch Display & 5000mAh Powerful Battery yet light on your pocket is arriving soon only on https://t.co/tp2VgSNHXHStay tuned! https://t.co/c4tshGSX91 pic.twitter.com/fYxk0Pj6wW
— TECNO Mobile India (@TecnoMobileInd) September 16, 2022
Tecno ရဲ့ အိန္ဒိယ ဌာနက Pop 6 Pro ကို Tease လုပ်နေပြီ ဖြစ်တဲ့အတွက် အဲဒီ နိုင်ငံမှာ မကြာခင် ရောင်းချနိုင်ပါတယ်။ ဒါပေမယ့် Tecno ရဲ့ အိန္ဒိယ ဌာနက ၆.၅၆ လက်မ မျက်နှာပြင် ပါတယ်လို့ ကြေညာထားတဲ့အတွက် တကယ့် ထောင့်ဖြတ် အတိုင်းအတာ ဖြစ်နိုင်ပါတယ်။
Ref : gsmarena
