တရုတ် ကုမ္ပဏီ Tencent ရဲ့ AI မော်ဒယ်အသစ် Hunyuan Image 3.0 ဟာ Google DeepMind ရဲ့ “Nano Banana” ကို ကျော်တက်ပြီး open-source နဲ့ closed-source ထုတ်ကုန်အားလုံးထဲမှာ ထိပ်တန်း ရုပ်ပုံဖန်တီးတဲ့မော်ဒယ် ဖြစ်လာခဲ့ပါတယ်။
စနေနေ့ကစပြီး open-source ဖြစ်တဲ့ Hunyuan Image 3.0 ဟာ LMArena ရဲ့ စာကနေ ရုပ်ပုံပြောင်းတဲ့ အဆင့်သတ်မှတ်ချက်တွေမှာ ထိပ်ဆုံးနေရာကို ရောက်ရှိသွားခဲ့ပါတယ်။ LMArena ဆိုတာကတော့ ကယ်လီဖိုးနီးယား တက္ကသိုလ်၊ ဘာကလေက သုတေသီတွေ စတင်ခဲ့တဲ့ AI မော်ဒယ်တွေကို အကဲဖြတ်တဲ့ ပလက်ဖောင်းတစ်ခု ဖြစ်ပါတယ်။
အရင်က ထိပ်ဆုံးနေရာမှာရှိခဲ့တဲ့ Google DeepMind ရဲ့ Gemini 2.5 Flash Image (Nano Banana လို့လည်း လူသိများပါတယ်) ဟာ သြဂုတ်လနှောင်းပိုင်းမှာ ထွက်ရှိခဲ့ပြီးနောက်ပိုင်း သူ့ရဲ့ ရုပ်ပုံပြင်ဆင်မှု တိကျမှန်ကန်တာနဲ့ 3D အရုပ်တွေ ဖန်တီးနိုင်တာကြောင့် အလျင်အမြန် လူကြိုက်များလာခဲ့တာ ဖြစ်ပါတယ်။
ပြီးခဲ့တဲ့လနှောင်းပိုင်းတုန်းက Tencent က Hunyuan Image 3.0 ကို ထုတ်ပြန်ခဲ့ချိန်မှာ အဲဒီမော်ဒယ်ဟာ “လုပ်ငန်းနယ်ပယ်ရဲ့ ထိပ်တန်း closed-source မော်ဒယ်တွေနဲ့ လုံးဝကို ယှဉ်နိုင်ပါတယ်” လို့ ကုမ္ပဏီက ပြောခဲ့ပါတယ်။ သူ့မှာ parameter ပေါင်း ဘီလီယံ ၈၀ ပါဝင်ပြီး ဒါဟာ အခုအချိန်အထိ အကြီးမားဆုံး open-source ရုပ်ပုံဖန်တီးတဲ့ မော်ဒယ် ဖြစ်လာစေပါတယ်။
Parameter တွေဆိုတာကတော့ မော်ဒယ်တစ်ခုရဲ့ ဉာဏ်ရည်ကို သိုလှောင်ထားတဲ့ variable တွေဖြစ်ပြီး လေ့ကျင့်ပေးတဲ့အချိန်မှာ ချိန်ညှိရတာ ဖြစ်ပါတယ်။ ယေဘုယျအားဖြင့်တော့ parameter အရေအတွက် များလေလေ မော်ဒယ်က ပိုပြီးစွမ်းဆောင်ရည်မြင့်လေလေ ဖြစ်ပေမယ့်၊ လေ့ကျင့်ပေးဖို့နဲ့ အသုံးပြုဖို့အတွက် ကွန်ပျူတာစွမ်းအား ပိုလိုအပ်ပါတယ်လို့ ဆိုလိုပါတယ်။
Ref : South China Morning Post
