အမေရိကန် ပြည်ထောင်စု မစ်ချီဂန်က အမျိုးသား ၁ ယောက်ဟာ ကားသော့ ပျောက်မှာ ပူစရာ မလိုတော့ပါဘူး။ ဘာလို့လည်း ဆိုတော့ သူဟာ Tesla ကားကို တံခါးဖွင့်ဖို့နဲ့ စက်နှိုးဖို့ Chip ကို လက်ထဲမှာ ခွဲစိပ်ထည့်သွင်းထားလို့ ဖြစ်ပါတယ်။
Brandon Dalaly ဆိုသူဟာ ဒေသတွင်းက တက်တူးနဲ့ ကိုယ်ခန္တာမှာ အပေါက်ဖောက်ကာ အလှဆင်တဲ့ ဆိုင် ၁ ခုမှာ Chip ကို လက်ထဲ ထည့်သွင်းထားတာပါ။ အခုဆိုရင် သူဟာ ကားတံခါးနားမှာ လက်ကို ဝှေ့ယမ်းလိုက်တာနဲ့ တံခါး ဖွင့်နိုင်ပါပြီ။
Dalaly က သင့်လက်ဟာ ပျောက်ဆုံးစရာ အကြောင်း မရှိတဲ့အတွက် ကားထဲကို အမြဲဝင်နိုင်မှာပါလို့ ပြောပါတယ်။
သူ့ကို Elon Musk ရဲ့ Fan အကြီးစားကြီးလို့ အွန်လိုင်းမှာ လှောင်ပြောင်မှုတွေ ရှိပေမယ့်လည်း သူကတော့ ကျေနပ်နေပုံရပါတယ်။ Dalaly က သူဟာ နည်းပညာကို ဝါသနာပါသူ ဖြစ်ပြီး Credit Card တွေနဲ့ အလုပ်လုပ်နိုင်အောင် Chip ကို အဆင့်မြှင့်ချင်တယ်လို့ ပြောပါတယ်။
သူဟာ တခြား လက် ၁ ဖက်မှာ Chip ၁ ခုကို ထည့်သွင်းထားပြီး နေအိမ် တံခါးကို ဖွင့်နိုင်ပါတယ်။ အဲဒီ Chip မှာ Covid ဆေးထိုးမှတ်တမ်းလို သူ့ရဲ့ ကျန်းမာရေး သတင်းအချက်အလက်တွေလည်း ထည့်သွင်းထားပါတယ်။
Ref : kktv
