Tesla က Supplier တွေကို ပေးပို့တဲ့ သတင်းအချက်အလက်တွေအရ ၁ နှစ်ကို Cybertruck အစီးရေ ၃၇၅,၀၀၀ ထုတ်လုပ်ဖို့ စီစဉ်နေပါတယ်။ Cybertruck ဟာ လူပြောအများဆုံး လျှပ်စစ် ထရပ်ကား ဖြစ်နေပါတယ်။ ကြိုတင်မှာယူထားသူ ၁.၅ သန်းလောက် ရှိပြီး လူတွေက ရောင်းချမယ့် အချိန်ကို စိတ်ဝင်တစား စောင့်ကြည့်နေကြပါတယ်။
Tesla ရဲ့ တရားဝင် ပြောကြားချက်တွေအရ ကွာတား ၃ အကုန်လောက်မှာ ရောင်းချနိုင်ပြီး ၂၀၂၃ ခုနှစ် စက်တင်ဘာလကုန်မှာ ဖြစ်နိုင်ပါတယ်။
မကြာခင်က CEO Elon Musk ဟာ နှစ်စဉ် ရှယ်ယာရှင် အစည်းအဝေးမှာ Cybertruck ထုတ်လုပ်မယ့် ပမာဏကို ပြောခဲ့ပါတယ်။ သူက ၁ နှစ်ကို အစီးရေ ၂၅၀,၀၀၀ လောက် ထုတ်မယ်လို့ ပြောပါတယ်။ ဒါပေမယ့် သူက ၁ နှစ်ကို ၂၅၀,၀၀၀ ကနေ ၅၀၀,၀၀၀ အကြား ဖြစ်နိုင်တယ်လို့ ထပ်လောင်းပြောပါတယ်။
အခုတော့ Tesla က Supplier တွေထံ ပေးပို့တဲ့ သတင်းစကားတွေ ပေါက်ကြားလာပြီး Tesla ဟာ ၁ နှစ်ကို အစီးရေ ၃၇၅,၀၀၀ ထုတ်လုပ်ဖို့ Supplier တွေကို ညွှန်ကြားထားပါတယ်။ ဒါဟာ ရှယ်ယာရှင် အစည်းအဝေးမှာ Musk ပြောခဲ့တဲ့ ပမာဏထက် ပိုမိုများပြားနေပါတယ်။ Tesla က Cybertruck စီမံကိန်းကို “Project Everest” လို့ အမည်ပေးထားတဲ့ အကြောင်း ကုမ္ပဏီတွင်းနဲ့ Supplier တွေကို အသိပေးထားပါတယ်။
Ref : electrek
