Elon Musk က “We,Robot” Event မှာ မမျှော်လင့်ထားတဲ့ ကားအသစ်နဲ့ ပွဲတက်လာသူတွေကို အံ့အားသင့်စေခဲ့ပါတယ်။ အဲဒါကတော့ ခရီးသည်တင် စက်ရုပ် ဗင်ကား ဖြစ်ပါတယ်။
:format(webp)/cdn.vox-cdn.com/uploads/chorus_asset/file/25670518/Robovan_73.jpg)
Tesla Robovan လို့ အမည်ပေးထားပြီး သမားရိုးကျ ဗင်ကားတွေနဲ့ လုံးဝ ကွဲပြားပါတယ်။ ရထားဒီဇိုင်းနဲ့ ဆင်တူပြီး ဘီးတွေကို မမြင်ရအောင် ဖျောက်ထားပါတယ်။ Musk က အဲဒီကားဟာ လူ ၂၀ အထိ တင်ဆောင်နိုင်သလို ကုန်ပစ္စည်းတွေလည်း သယ်ယူနိုင်တယ်လို့ ပြောပါတယ်။
Musk က “ Robovan ဟာ လူများစွာ တင်ဆောင်နိုင်ဖို့ ရည်ရွယ်ထားပါတယ်။ အားကစား အသင်းတွေကို သယ်ယူပို့ဆောင်ပေးနိုင်သလို ကုန်ကျစားရိတ် ချွေတာချင်တဲ့ ခရီးသွားတွေအတွက်လည်း အဆင်ပြေပါတယ်။ Robovan က အဲဒီလူတွေအတွက်ပါပဲ။” လို့ ပြောပါတယ်။
/cdn.vox-cdn.com/uploads/chorus_asset/file/25670550/Robovan_72.jpg)
Robovan ဟာ မောင်းသူမဲ့ Ridehailing Service ဖြစ်တဲ့ Tesla Network အတွက် ရည်ရွယ်ထုတ်လုပ်ထားတာ ဖြစ်ပါတယ်။ ထူးခြားတာက Tesla Cybercab Robotaxi ရဲ့ သတင်းတွေကို အရင်ကတည်းက သိထားပြီးပြီ ဖြစ်ပြီး Tesla Robovan ကိုတော့ “We, Robot” Event ကျမှပဲ သိရတာ ဖြစ်ပါတယ်။
Musk က Tesla Robovan ရဲ့ ဈေးနှုန်းနဲ့ ရောင်းချမယ့် အချိန်ကို မပြောသေးပါဘူး။
Ref : theverge
