Google ရဲ့ Pixel စမတ်ဖုန်းတွေဟာ Hardware ပိုင်းဖြစ်တဲ့ Performance ၊ Design နဲ့ Battery Life လိုမျိုးနေရာတွေမှာ တခြားသော စမတ်ဖုန်းတွေနဲ့ယှဥ်ရင် အမြဲလိုလိုအားနည်းနေတယ်လို့ ပြောနိုင်ပါတယ်။ ဒါပေမယ့်လည်း Software နဲ့ AI ပိုင်းမှာတော့ တခြားဖုန်းတွေနဲ့ယှဥ်ရင် သိသိသာသာကို ပိုပြီးအားသာနေတုန်းပဲဖြစ်ပါတယ်။
အခုလည်း Google Pixel စမတ်ဖုန်းနဲ့ Apple iPhone ၂ မျိုးကို ယှဥ်ချထားပြီး Voice Typing နဲ့ စာရိုက်တာကို စမ်းသပ်ရာမှာ Google Pixel က စွမ်းဆောင်ရည်ပိုကောင်းနေပြီး လုံးဝ iPhone ကို နောက်ကောက်ချထားခဲ့တာဖြစ်ပါတယ်။ အဆိုပါ စမ်းသပ်တဲ့ Video ကိုတော့ James Chan နာမည်နဲ့ Twitter အသုံးပြုသူတစ်ဦးက တင်ထားခဲ့တာဖြစ်ပါတယ်။
I don't think that people appreciate how different the voice to text experience on a Pixel is from an iPhone. So here is a little head to head example. The Pixel is so responsive it feels like it is reading my mind! pic.twitter.com/zmxTKxL3LB
— James Cham ✍🏻 (@jamescham) May 27, 2020
Google Pixel စမတ်ဖုန်းတွေဟာ Voice Typing အတွက် Cloud ပေါ်ကို ပြန်ပြီး Data ပို့တာမျိုး ပြုလုပ်တာမဟုတ်ဘဲ ကိုယ်ပိုင် AI Machine Learning နဲ့ပဲ On-Device အကုန်လုံးဆောင်ရွက်တာဖြစ်ပါတယ်။ အဲ့ဒါကြောင့်လည်း အခုလိုမျိုး Cloud ကနေတစ်ဆင့်ပြန်ပြီး Data ကို ရယူတဲ့ iPhone ရဲ့ Voice Typing နဲ့ ယှဥ်ရင် သိသိသာသာကို မြန်ဆန်နေတာဖြစ်ပါတယ်။ Latency ပိုင်းမှာလည်း iPhone က တော်တော်လေးကိုနောက်ကျနေသလို Google Pixel ဖုန်းမှာတော့ ပြောပြီးတာနဲ့ ချက်ချင်းနီးပါးကို ပိုပြီးမှန်မှန်ကန်ကန်နဲ့ ရေးချနိုင်တာကိုလည်း တွေ့ရပါတယ်။
Google ဟာ Pixel ဖုန်းတွေအတွက် On-Device Machine Learning AI ပိုင်းကို အားသေချာစိုက်ထုတ်ပေးထားသလို ပြောသွားတဲ့စကားတွေအကုန်လုံးကို Live Transcription ပြုလုပ်ပေးနိုင်တဲ့ Recorder App ကိုလည်း ပြီးခဲ့တဲ့နှစ်တုန်းက Pixel 4 စမတ်ဖုန်းတွေနဲ့အတူ မိတ်ဆက်ခဲ့ပါသေးတယ်။
Ref – Android Central
