vivo Pad Air ကို တရုတ်မှာ ကြေညာလိုက်ပြီး 11.5” 2.8K မျက်နှာပြင် တပ်ဆင်ထားပါတယ်။ 3:2 Aspect Ratio , DCI-P3 Color Gamut နဲ့ 144Hz Adaptive Refresh Rate ထည့်သွင်းထားပါတယ်။ Snapdragon 870 Processor ကြောင့် စွမ်းဆောင်ရည် ကောင်းမွန်ပြီး 8GB RAM နဲ့ 128GB Storage ပါပါတယ်။
အရွယ်ကြီး 8,500mAh Battery တပ်ဆင်ထားပြီး 44W Fast Charging ထောက်ပံ့ထားပါတယ်။ စပီကာ ၄ လုံးနဲ့ အရွယ်ကြီး Sound Chamber တွေ ပါပါတယ်။ Super Audio Computed Sound Effects တွေကြောင့် ထူးခြားဆန်းသစ်တဲ့ အသံတွေကို ခံစားရမှာပါ။ vivo Pencil 2 နဲ့ တွဲဖက်သုံးနိုင်ပြီး မှတ်စုမှတ်သားတာ၊ ပုံဆွဲတာတွေ ပြုလုပ်နိုင်ပါတယ်။
Android 13 အခြေပြု OriginOS 3 မောင်းနှင်ထားပြီး တက်ဘလက်မှာ သုံးလို့ကောင်းအောင် ဖန်တီးထားပါတယ်။ User-friendly Interface ထည့်သွင်းထားပြီး အလွန်မိုက်တဲ့လုပ်ဆောင်ချက်တစ်ခုက တက်ဘလက်၊ ကွန်ပြူတာနဲ့ ဖုန်းတွေအကြားမှာ အလွန်တကူ မျှဝေနိုင်တာပါ။ တက်ဘလက်ဟာ ပါးလွှာ ပေါ့ပါးတဲ့အတွက် ကိုယ်နဲ့မကွာ ယူဆောင်သွားလို့ အဆင်ပြေပါတယ်။ လက်ဗွေရာ မထင်အောင် ဖန်တီးထားပြီး Blue, Pink နဲ့ Silver အရောင်တွေ ထုတ်လုပ်ထားပါတယ်။
vivo က Pad Air ရဲ့ ဈေးနှုန်းနဲ့ ရောင်းချမယ့် အချိန်ကို မပြောသေးပါဘူး။ မကြာခင်မှာ အဲဒီသတင်းအချက်အလက်တွေကို သိရမယ်လို့ ထင်ပါတယ်။
Ref : gizmochina
