Xiaomi က စွမ်းရည်မြင့် 13 Series မိတ်ဆက်ပွဲမှာ Mix Fold 2 အတွက် အရောင်သစ် ၂ ရောင်ကိုပါ ကြေညာလိုက်ပါတယ်။ Moonlight Silver နဲ့ Black Night လို့ အမည်ပေးထားပြီး ဒီလ ၂၀ ရက်နေ့ ရောင်းချမှာပါ။
Mix Fold 2 ဟာ ကုမ္ပဏီရဲ့ ဒုတိယမြောက် Foldable ဖုန်း ဖြစ်ပြီး အထင်ကြီးစရာ လုပ်ဆောင်ချက်များစွာ ပါပါတယ်။ Snapdragon 8+ Gen 1 Chipset မောင်းနှင်ထားပြီး Foldable LTPO2 OLED FHD+ 120Hz မျက်နှာပြင် တပ်ဆင်ထားကာ HDR10+ နဲ့ Dolby Vision ထောက်ပံ့ထားပါတယ်။
Moonlight Silver နဲ့ Black Night ကို အထူးထုတ် Supreme Gift Box ရဲ့ တစ်စိတ်တစ်ပိုင်း အနေနနဲ့ ရောင်းချမှာ ဖြစ်ပြီး Mix Fold 2 စမတ်ဖုန်း၊ နားကြပ်နဲ့ နာရီ ပါပါတယ်။ နှစ်သစ်ကူး လက်ဆောင်ပေးဖို့ ကောင်းပြီး ၁၂၉၀ ဒေါ်လာ သတ်မှတ်ထားပါတယ်။
Mix Fold 2 မှာ 12GB LPDDR5 RAM နဲ့ 256GB/512GB/1TB UFS 3.1 Storage ထည့်သွင်းထားပြီး Reverse Charging ထောက်ပံ့တဲ့ 4,500mAh ဘက်ထရီ ပါပါတယ်။ Android 13 အခြေပြု MIUI 13 မောင်းနှင်ထားပါတယ်။
Xiaomi က Mix Fold 2 အပြင် Xiaomi Sound Pro စမတ် စပီကာကိုပါ ကြေညာလိုက်ပြီး ဈေးကွက်ထဲက နာမည်ကြီး စမတ် စပီကာတွေကို ယှဉ်ပြိုင်မှာပါ။
Ref : gizmochina
