Xiaomi ဟာ ၂၀၂၀ ခုနှစ်ကို စွမ်းရည်မြင့် Mi 11 နဲ့ လက်ပြနှုတ်ဆက်ခဲ့ပေမယ့် ဇာတ်လမ်းက မပြီးသေးပါဘူး။ ၂၀၂၁ ခုနှစ် နှစ်အစမှာလည်း Mi 11 Lite , Mi 11 Pro တို့နဲ့ ကြိုဆိုမယ်လို့ သတင်းထွက်နေပါတယ်။ Mi 11 Lite ဟာ စွမ်းရည်ပိုနိမ့်ပြီး ဈေးပိုသက်သာတဲ့ မော်ဒယ် ဖြစ်ပါတယ်။ အခုတော့ Mi 11 Lite ရဲ့ Specs တချို့ ပေါက်ကြားထွက်ပေါ်လာပါတယ်။
တရုတ်က ထွက်လာတဲ့ သတင်းအရ Mi 11 Lite မှာ OLED မျက်နှာပြင်နဲ့ Punch Hole ဆဲလ်ဖီး ကင်မရာ ၁ လုံး ထည့်သွင်းထားနိုင်ပြီး Qualcomm SM7350 Chipset မောင်းနှင်ထားမယ်လို့ သိရပါတယ်။ အနောက်ဘက် ပင်မ ကင်မရာက 64MP ဖြစ်ပြီး 5x Telephoto ကင်မရာလည်း ပါလာမှာ ဖြစ်ပါတယ်။
အဲဒီ Specs တွေဟာ စိတ်ဝင်စားစရာကောင်းပေမယ့် Qualcomm က SM7350 Chipset ကို မထုတ်လုပ်ထားသေးပါဘူး။ တချို့က ဒါဟာ 5nm Process နည်းပညာ အပေါ် အခြေခံတည်ဆောက်ထားတဲ့ Snapdragon 755G Chipset ဖြစ်မယ်လို့ ထင်ကြေးပေးနေကြပါတယ်။ CPU မှာ စွမ်းရည်မြင့် Cortex-A78 Core ၁ လုံးထဲ ပါပါတယ်။
64MP ပင်မ ကင်မရာဟာ Mi 11 ရဲ့ 108MP ကင်မရာထက် အားနည်းပါတယ်။ ဒါပေမယ့် Mi 11 Lite မှာ Periscope ကင်မရာ ၁ လုံးပါလာနိုင်ပြီး အဲဒီ Telephoto ကင်မရာဟာ ဈေးကြီးပါတယ်။ အဲဒီအစား Xiaomi ဟာ Mi Note 10 မှာလို 5x Telephoto ကင်မရာကိုပဲ ထည့်သွင်းထားနိုင်ပြီး Upper Mid-range ဖုန်းတွေနဲ့ ပိုသင့်တော်ပါတယ်။
Ref : gsmarena
