Xiaomi ဟာ Redmi Note 12 Series ကို ကြေညာမယ်လို့ မကြာခင်က သတင်းပေးခဲ့ပြီး ဒီလထဲ ဖြစ်နိုင်ပါတယ်။ အဲဒီ Series ထဲမှာ Redmi Note 12, Note 12 Pro နဲ့ Note 12 Pro+ တို့ ပါဝင်မှာပါ။ အရင်က Redmi Note Series တွေကို ထုတ်လုပ်ရောင်းချခဲ့တဲ့ အစဉ်အလာအရ Xiaomi ဟာ Redmi Note 12 Series တွေကို အနာဂတ်မှာ ထပ်မံ ထုတ်လုပ်ဦးမှာပါ။
အခုတော့ တရားဝင် မိတ်ဆက်ပွဲ မတိုင်ခင်မှာ Redmi Note 12 ဖုန်း ၁ လုံးရဲ့ Banner ထွက်ပေါ်လာပြီး Redmi Note 12 Pro+ ဖြစ်နိုင်ကာ မျက်နှာပြင်ကွေး ပါလာပါတယ်။ မျက်နှာပြင် အမျိုးအစားက AMOLED ဖြစ်နိုင်ပါတယ်။
Redmi Note 12 Pro မော်ဒယ် ၂ လုံးမှာ MediaTek Dimensity 1080 Chipset သုံးထားမယ်လို့ သတင်းထွက်နေပါတယ်။ 1080 ဟာ Dimensity 920 ထက် တိုးတက်မှုတွေ ပါလာပြီး အဓိက စွမ်းရည်က 200MP ကင်မရာကို ထောက်ပံ့တာပါ။ အဲဒီအတွက် Redmi Note 12 ဖုန်း အနည်းဆုံး ၁ လုံးမှာ 200MP ကင်မရာ ပါလာနိုင်ပါတယ်။
Xiaomi က အဲဒီ ဖုန်းတွေမှာ အဓိက နည်းပညာ ၂ ခု ပါလာမှာ ဖြစ်ပြီး ၁ ခုက ကမ္ဘာ့ ပထမဆုံး ဖြစ်တယ်လို့ ပြောထားပါတယ်။ Redmi Note 12 Pro+ မှာ 210W Charging ပါလာမယ်လို့ မှတ်ပုံတင် သတင်းအချက်အလက်တွေမှာ ဖော်ပြထားပါတယ်။
Ref : gsmarena
