မျက်နှာပြင်အောက် ဆဲလ်ဖီး ကင်မရာ ပါတဲ့ ZTE Axon 30S ကို ကြေညာ

ZTE က အရင်နှစ်ထုတ် Axon 30 ကို အဆင့်မြှင့်ထားတဲ့ Axon 30S ကို တရုတ်မှာ ကြေညာလိုက်ပါတယ်။ အဓိက Specs နဲ့ ဒီဇိုင်းက မပြောင်းလဲဘဲ တစ်ခုထဲသော ကွာခြားချက်က ဆော့ဖ်ဝဲ ဖြစ်ပြီး Axon 30S မှာ Android 12 အခြေပြု ZTE MyOS 12 မောင်းနှင်ထားပါတယ်။

8/128GB မော်ဒယ်ကို ၂၃၈ ဒေါ်လာနဲ့ 12/256GB မော်ဒယ်ကို ၃၀၈ ဒေါ်လာ သတ်မှတ်ထားပါတယ်။ Axon 30S အတွက် အနက်နဲ့ အပြာရောင် ထုတ်လုပ်ထားပြီး တရုတ်မှာ ဝယ်ယူနိုင်ပြီ ဖြစ်ပါတယ်။ နိုင်ငံတကာမှာ ရောင်းချမယ့် အချိန်ကို မသိရသေးပါဘူး။

ZTE Axon 30S မှာ ၆.၉၂ လက်မ 10-bit OLED မျက်နှာပြင် တပ်ဆင်ထားပြီး FHD+ Resolution နဲ့ 120Hz Refresh Rate ထောက်ပံ့ထားပါတယ်။ မျက်နှာပြင်အောက်မှာ 16MP ဆဲလ်ဖီး ကင်မရာနဲ့ လက်ဗွေရာ ကိရိယာ မြှပ်နှံထားပါတယ်။ အနောက်ဘက်မှာ 64MP Main , 8MP Ultrawide နဲ့ 5MP Macro ကင်မရာ ၃ လုံး တပ်ဆင်ထားပါတယ်။

Qualcomm Snapdragon 870 Chipset မောင်းနှင်ထားပြီး 4,200mAh ဘက်ထရီ ပါလာကာ 55W Charger ထည့်သွင်းပေးထားပါတယ်။

Ref : gsmarena