Samsung ဟာ ပြီးခဲ့တဲ့ရက်ပိုင်းက Galaxy A73 , Galaxy A53 နဲ့ Galaxy A33 ကို ကြေညာခဲ့ပြီး Galaxy Buds 2 နဲ့ Galaxy Buds Live နားကြပ်တွေအတွက် Onyx အရောင်အသစ်ထွက်လာမယ်လို့ ပြောခဲ့ပါတယ်။ မိတ်ဆက်ပွဲမှာ အဲဒီ အရောင်အသစ်ကို မပြသခဲ့ပေမယ့် ကုမ္ပဏီက နောက်ပိုင်းမှာ မီဒီယာတွေအတွက် ဓါတ်ပုံတွေကို ထုတ်ပြခဲ့ပါတယ်။ အရောင်အသစ်ကို Samsung Online Store ကနေ နောက်လမှ စတင်ကာ ရောင်းချမှာ ဖြစ်ပြီး Galaxy A Series ဖုန်း အသစ် ၃ လုံး ရောင်းချချိန်နဲ့ တူညီအောင် ပြုလုပ်ပေးထားတာပါ။
၂၀၂၁ ခုနှစ် နွေရာသီအတွင်း Galaxy Z Fold3 နဲ့ Galaxy Z Flip3 တို့ကို ကြေညာတဲ့ Unpacked Event မှာ Samsung Galaxy Buds 2 ကို ချပြခဲ့တာ ဖြစ်ပါတယ်။ အဲဒီ နားကြပ်ရဲ့ အမိုက်စား လုပ်ဆောင်ချက် ၁ ခုက ဖုန်း ပြောနေချိန်မှာ ပြင်ပက ဆူညံသံတွေကို ဖယ်ရှားပေးနိုင်ပြီး စပီကာက အသံကိုပဲ ဝင်ရောက်စေတာ ဖြစ်ပါတယ်။
Galaxy Buds Live ရဲ့ သက်တမ်းဟာ ပိုမို ရှည်ကြာနေပြီ ဖြစ်ပြီး ၂၀၂၀ ခုနှစ်က နွေရာသီ Unpacked Event မှာ Galaxy Note20 Series စမတ်ဖုန်းတွေနဲ့အတူ ကြေညာခဲ့တာ ဖြစ်ပါတယ်။
Galaxy Buds 2 နဲ့ Galaxy Buds Live တို့ရဲ့ လက်ရှိ ရောင်းဈေးဟာ ကနဦးရောင်းချတဲ့ ဈေးထက် ပိုမို သက်သာနေပြီ ဖြစ်ပြီး Onyx အရောင်ကို ယူရို ၁၀၀ ဝန်းကျင်နဲ့ ရောင်းချနိုင်ကာ မြန်မာငွေ ၂ သိန်းဝန်းကျင် ကျသင့်နိုင်ပါတယ်။
Ref : gsmarena
