Vivo က မကြာခင်မှာ စမတ်ဖုန်း ၃ လုံးကို ကြေညာဖို့ စီစဉ်နေပါတယ်။ အားလုံးထဲမှာ စိတ်ဝင်စားစရာ အကောင်းဆုံးက Galaxy Z Fold4, Mix Fold2 နဲ့ Mate Xs တို့ကို ယှဉ်ပြိုင်မယ့် Vivo ရဲ့ Foldable ဖုန်း အသစ် ဖြစ်ပါတယ်။
Digital Chat Station က အဲဒီ စမတ်ဖုန်းကို Vivo X Fold S လို့ နာမည်ပေးထားမှာ ဖြစ်ပြီး စက်တင်ဘာလမှာ ကြေညာမယ်လို့ သတင်းပေးလာပါတယ်။
အဲဒီ Foldable ဖုန်း မလာခင်မှာ iQOO Z6 ကို အရင် ကြေညာမှာ ဖြစ်ပြီး 5G နဲ့ 80W Fast Charging ပါလာနိုင်ပါတယ်။ ဒါပေမယ့် အဲဒီ စမတ်ဖုန်းရဲ့ သတင်းအချက်အလက်တွေကို ပိုမို သိရဖို့ အချိန်စောင့်ဆိုင်းရဦးမှာ ဖြစ်ပါတယ်။ ဒါ့အပြင် Dimensity 9000+ Chipset ပါတဲ့ iQOO Neo7 စမတ်ဖုန်းလည်း လာဦးမှာ ဖြစ်ပါတယ်။
အဲဒီ စမတ်ဖုန်း ၃ လုံး မိတ်ဆက်ပွဲတွေကို Vivo က ပြင်ဆင်ပြီးပြီလို့ သတင်းထွက်နေပါတယ်။ ဒီနှစ် မကုန်ခင် စွမ်းရည်မြင့် X90 Series အပါအဝင် Vivo ရဲ့ Device တွေ ထွက်လာဖို့ရှိနေပါတယ်။
Qualcomm က နိုဝင်ဘာလနှောင်းပိုင်းမှာ နောက်မျိုးဆက် စွမ်းရည်မြင့် Chipset ကို ကြေညာလိုက်တာနဲ့ သတင်းအချက်အလက်တွေ ထပ်မံသိလာရမယ်လို့ Digital Chat Station က ပြောပါတယ်။
Ref : gsmarena
