Samsung ဟာ Apple ကို အမြဲတမ်း လှောင်ပြောင်နေကျ ဖြစ်ပါတယ်။ iPhone 14 မိတ်ဆက်ပွဲ မတိုင်ခင်မှာ လှောင်ပြောင်ခဲ့သလို အခုလည်း iPhone 14 မိတ်ဆက်ပွဲပြီးနောက်မှာ နောက်ထပ် လှောင်ပြောင်လိုက်ပါတယ်။ Samsung က iPhone တွေ ခေါက်ချိုုးလို့ရရင်ပြောပါ ဆိုပြီး တွစ်တာမှာ ပို့စ်တင်ထားပါတယ်။ ဒါဟာ အခုထက်ထိ Foldable iPhone မထုတ်လုပ်နိုင်သေးတဲ့ Apple ကို တမင် ဖဲ့လိုက်တာ ဖြစ်ပါတယ်။
Apple ဟာ Foldable iPhone ကို ဖန်တီးဖို့ စီစဉ်နေတယ်လို့ ခန့်မှန်းချက်တွေ ထွက်နေပေမယ့် Apple က တရားဝင် အတည်မပြုထားသေးပါဘူး။
Apple ဟာ iPhone 14 Series ကို ဒီလ ၇ ရက်နေ့မှာ ပူပူနွေးနွေး ကြေညာလိုက်ပါတယ်။ iPhone 14 Pro ရဲ့ Dynamic Island Notch ကို လူတော်တော်များများ စိတ်ဝင်စားနေကြပါတယ်။ ဒါ့အပြင် iPhone ကင်မရာတွေမှာ စွမ်းရည်မြင့် ဆန်ဆာတွေနဲ့ Resolution မြင့်မားတဲ့ 4K ဗီဒီယို ရိုက်ကူးနိုင်တဲ့ စွမ်းရည်တွေ ပါလာပါတယ်။ ဒါပေမယ့် Samsung က iPhone Notch ၊ နားကြပ်ပေါက် ဖယ်ရှားထားတာနဲ့ Charger မထည့်ပေးထားတာတွေကို လှောင်ပြောင်နေပါတယ်။
iPhone 14 မိတ်ဆက်ပွဲ မတိုင်ခင်မှာလည်း Samsung က Galaxy Z Flip နဲ့ Galaxy S22 Ultra တို့ရဲ့ စွမ်းရည်တွေကို ပြသထားတဲ့ ဗီဒီယိုကို မျှဝေခဲ့ပြီး Apple ကို ထိုးနှက်ခဲ့ပါသေးတယ်။
ref : livemint
