Samsung ဟာ Galaxy S23 Series ဖုန်းတွေကို လာမယ့် ဖေဖော်ဝါရီလ ၁ ရက်နေ့မှ Galaxy Unpacked Event မှာ တရားဝင်မိတ်ဆက်သွားမှာဖြစ်ပါတယ်။ ဒါပေမယ့် ထုံးစံအတိုင်း Galaxy S23 Series ဖုန်းတွေမှာ ပါဝင်လာမယ့် Feature တွေနဲ့ Specification တွေအကုန်လုံးနီးပါး ပေါက်ကြားထားပြီးဖြစ်ပါတယ်။
အခုလည်း Samsung Galaxy S23 Ultra ဖုန်းကို တချို့သော အရောင်းဆိုင်တွေမှာ စတင်ပြီးရောင်းချနေတဲ့ ဓါတ်ပုံတွေက ထပ်မံထွက်ရှိလာပါပြီ။ ဒါက Matagalpa မြို့ Nicaragua နိုင်ငံမှာရှိတဲ့ KM CELL STORE အမည်ရှိဖုန်းဆိုင်တစ်ခုက Facebook Page မှာ Galaxy S23 Ultra ဖုန်းရဲ့ ဓါတ်ပုံတွေကို တင်ပြီး ရောင်းချနေတာကြောင့်ဖြစ်ပါတယ်။
အခုထွက်ရှိလာတဲ့ဓါတ်ပုံတွေမှာ Galaxy S23 Ultra ဖုန်းမှာရရှိနိုင်မယ့် အရောင် ၄ မျိုးစလုံးကို ဖော်ပြထားသလို ဒီနှစ်အတွက် အရောင်အသစ်ဖြစ်တဲ့ ပန်းရောင် Galaxy S23 Ultra ဖုန်းကိုလည်း အပြင်မှာထုတ်ပြီး ပြသခဲ့ပါတယ်။ အဆိုပါ Galaxy S23 Ultra ဖုန်းတွေဟာ RAM 12GB ၊ 512GB Storage ပါဝင်တဲ့အမျိုးအစားတွေဖြစ်ပြီး ရောင်းချမယ့်စျေးနှုန်းကို အတိအကျဖော်ပြခဲ့ခြင်းမရှိပါဘူး။
Samsung Galaxy S23 Ultra ဖုန်းဟာ 6.8″ QHD+ Dynamic AMOLED DIsplay ကို အသုံးပြုထားမှာဖြစ်ပြီး Qualcomm Snapdragon 8 Gen 2 Chipset ထည့်သွင်းထားမှာဖြစ်ပါတယ်။ Camera ပိုင်းမှာ 200MP Main Camera အပြင် 3x နဲ့ 10x Telephoto Sensor ၊ Ultrawide Sensor တွေပါဝင်မှာဖြစ်ပါတယ်။ တခြားသော Feature တွေအနေနဲ့က 45W Fast Charging ကိုထောက်ပံ့ထားတဲ့ 5000mAh Battery ၊ Android 13 ကို အခြေခံထားတဲ့ OneUI 5.1 ၊ Bluetooth 5.3 ၊ Wi-Fi 6E ၊ NFC စတဲ့ Feature တွေပါဝင်လာမှာပါ။
Ref – GSM Arena
