Samsung က ပြီးခဲ့တဲ့ ၁ ပတ်မှာ Galaxy S23 Series ကို ကြေညာခဲ့ပြီး အဲဒီဖုန်းတွေရဲ့ စွမ်းရည်တွေကို ပြောပြခဲ့ပါတယ်။ အဲဒီဖုန်းတွေထဲမှာ Galaxy S23 Ultra က စွမ်းရည်အမြင့်ဆုံး ဖြစ်ပြီး တီထွင်ဆန်းသစ်မှု အများဆုံးထည့်သွင်းထားပါတယ်။
Galaxy S23 Ultra ဟာ လူစိတ်ဝင်စားမှု အများဆုံး ဖြစ်ပြီး Reviewer တွေရဲ့ အထင်ကြီးတာကို ခံနေရပါတယ်။ အဲဒီဖုန်းဟာ Elon Musk ကိုတောင် အထင်ကြီးသွားစေပါတယ်။ ဟုတ်ပါတယ်။ နည်းပညာ ဂုရုကြီးကိုတောင် Samsung က အံ့အားသင့်စေခဲ့ပါတယ်။
MKBHD လို့ သိကြတဲ့ Marques Brownlee ဟာ တွစ်တာမှာ ဗီဒီယို ၁ ခု တင်ခဲ့ပြီး Handheld Mode မှာ ကြည်လင်ပြတ်သားတဲ့ Zoom ဓါတ်ပုံကို ရိုက်ကူးနိုင်တဲ့ S23 Ultra ရဲ့ စွမ်းရည်ကို ပြသထားပါတယ်။ MKBHD ဟာ S23 Ultra ရဲ့ ဓါတ်ပုံကို 100x Zoom နဲ့ ရိုက်ကူးနိုင်တဲ့ Space Zoom လုပ်ဆောင်ချက်ကို အသုံးပြုခဲ့တာပါ။ အဲဒီ ဗီဒီယိုဟာ Elon Musk ရဲ့ စိတ်ဝင်စားမှုကို ခံခဲ့ရပြီး သူက Wow ဆိုတဲ့ ကွန်းမန့်ကို ပေးခဲ့ပါတယ်။
Samsung ဟာ Galaxy S23 Ultra ရဲ့ Periscope ကင်မရာကို အထူး အာရုံစိုက် ဖန်တီးထားပြီး ကင်မရာ စွမ်းရည်တွေကို တိုးတက်အောင် ပြုလုပ်ထားပါတယ်။ ဓါတ်ပုံတွေ ရိုက်ရင် Viewfinder မှာတောင် ကြည့်ကောင်းနေပြီး Software Processing မတိုင်ခင်မှာတောင် ကောင်းမွန်နေပါတယ်။
Ref : gizchina
