လန်ဒန် အခြေစိုက် BAE Sysems ကုမ္ပဏီက နေရောင်ခြည်စွမ်းအင်သုံး လေယာဉ် PHASA-35 ကို အောင်မြင်စွာ စမ်းသပ်ပျံသန်းနိုင်ခဲ့ပါတယ်။ မောင်းသူမဲ့ လေယာဉ် ဖြစ်ပြီး Uncrewed Aerial System (UAS) ကို အသုံးပြုထားပါတယ်။ တော်တော်မြင့်မားတဲ့ ဝေဟင်မှာ အချိန်ကြာမြင့်စွာ ပျံသန်းနိုင်ပြီး ရာသီဥတုနဲ့ တခြား လေယာဉ်တွေအထက်ကနေ မြေပြင်ကို ကင်းထောက်လေ့လာဖို့ ရည်ရွယ်ထားပါတယ်။
မကြာခင်က နယူးမက္ကဆီကိုမှ Spaceport America မှာ ၂၄ နာရီကြာ အမြင့်ပေ ၆၆,၀၀၀ မှာ ပျံသန်းခဲ့ပါတယ်။ ပျံသန်းပြီးနောက်မှာ လေယာဉ်ပျက်ဆီးမှု သိပ်မရှိဘဲ နောက် ၂ ရက်အတွင်းမှာ ထပ်မံ ပျံသန်းနိုင်ခဲ့ပါတယ်။ လေယာဉ်ဟာ အရင်ကထက် ပိုလေးတဲ့ ဝန်တွေကို သယ်ဆောင်နိုင်ခဲ့ပါတယ်။
PHASA-35 ကို တီထွင်ထားတဲ့ အဖွဲ့ဟာ Solar Power နဲ့ Storage Capacity ၂ ဆ ပိုများတဲ့ မော်ဒယ် အသစ် တစ်စီးကို တီထွင်ထားပါတယ်။ BAE Systems ဟာ လေယာဉ်ကို ဆက်လက် တီထွင်မှာ ဖြစ်ပြီး ၂၀၂၆ ခုနှစ်မှာ အသုံးပြုနိုင်ဖို့ ရည်မှန်းထားပါတယ်။
BAE Systems ဟာ အမေရိကန် စစ်တပ်အတွက် ယာဉ်တွေကို ထုတ်လုပ်ပေးဖို့ ဒေါ်လာ ၆၈ သန်းတန် စာချုပ်ကို ချုပ်ဆိုထားတယ်လို့ ကြေညာထားပါတယ်။
Ref : Tech Explorers
