Xiaomi က HyperOS 3 update အသစ်ကို မကြာမီ မိတ်ဆက်တော့မှာဖြစ်ပြီး အဓိက ဆွဲဆောင်မှုအဖြစ် ခေတ်မီပြီး အဆင့်မြင့်တဲ့ အသွင်အပြင်ကို ပေးစွမ်းမယ့် ‘Liquid Glass’ လို့ခေါ်တဲ့ ဒီဇိုင်းသစ်ကို ထည့်သွင်းသွားမှာ ဖြစ်ပါတယ်။ အဲဒီ update က Xiaomi ရဲ့ ဆော့ဖ်ဝဲလ်ပိုင်းမှာ ထိပ်တန်းကုမ္ပဏီတွေနဲ့ တိုက်ရိုက်ယှဉ်ပြိုင်ဖို့ ရည်မှန်းထားကြောင်း ပြသလိုက်တာပဲ ဖြစ်ပါတယ်။
အဓိက ပြောင်းလဲမှုတွေ
တရုတ်နိုင်ငံက နည်းပညာသတင်းတွေ ဖော်ထုတ်လေ့ရှိတဲ့သူတစ်ဦးရဲ့ အဆိုအရ HyperOS 3 မှာ အသစ်ပါဝင်လာမယ့် control center နဲ့ icon တွေက liquid glass ဒီဇိုင်းပုံစံ ဖြစ်လာမယ်လို့ သိရပါတယ်။ အဲဒီဒီဇိုင်းက အမြင်ပိုင်းမှာ လှပရုံသာမက Apple လို ပြိုင်ဘက်တွေရဲ့ ဒီဇိုင်းနဲ့ နှိုင်းယှဉ်ရင် စာလုံးတွေကို ပိုမိုရှင်းလင်းပြတ်သားစွာ ဖတ်ရှုနိုင်ဖို့ အလေးပေးထားတယ်လို့ ဆိုပါတယ်။
Xiaomi က အဲဒီ Liquid Glass ဒီဇိုင်းကို system application တွေအားလုံးမှာ တစ်ပြေးညီ အသုံးပြုသွားမှာဖြစ်ပြီး ဈေးနှုန်းသက်သာတဲ့ ဖုန်းတွေမှာလည်း စက်ရဲ့စွမ်းဆောင်ရည်ကို မထိခိုက်စေဘဲ ဒီဇိုင်းသစ်ရဲ့ အသွင်အပြင်ကို ခံစားနိုင်ဖို့အတွက် အထူးပြုလုပ်ထားတဲ့ UI element တွေကို အသုံးပြုသွားမှာ ဖြစ်ပါတယ်။
ထွက်ရှိမယ့် အချိန်
HyperOS 3 ကို လာမယ့် အောက်တိုဘာလမှာ Xiaomi 15 series နဲ့အတူ တရားဝင် မိတ်ဆက်သွားဖို့ မျှော်မှန်းထားပါတယ်။ အဲဒီ update က Xiaomi ရဲ့ interface ဒီဇိုင်းပိုင်းမှာ အရေးပါတဲ့ ခြေလှမ်းသစ်တစ်ခု ဖြစ်လာမှာ ဖြစ်ပါတယ်။
Ref : gizmochina
