နာမည်ကြီး နည်းပညာ YouTuber တစ်ဦးဖြစ်တဲ့ Mrwhosetheboss ဟာ မြောက်ကိုရီးယားနိုင်ငံကနေ တရားမဝင် ခိုးထုတ်လာတဲ့ Haeyang 701 နဲ့ Samtaesong 8 စမတ်ဖုန်းနှစ်လုံးကို စမ်းသပ်ကြည့်တဲ့အခါမှာတော့ တကယ့်ကို အံ့သြစရာကောင်းပြီး ကြောက်စရာကောင်းတဲ့ အချက်တွေကို တွေ့ရှိခဲ့ပါတယ်။

Testing North Korea's illegal smartphones

ဒီဖုန်းတွေမှာ ထည့်သွင်းထားတဲ့ စနစ်တွေက သုံးစွဲသူကို ကူညီဖို့ထက် နိုင်ငံရေးအရ ထိန်းချုပ်ဖို့ ပိုများနေပါတယ်။ ဥပမာ – စာရိုက်တဲ့အခါ Autocorrect စနစ်က “South Korea” (တောင်ကိုရီးယား) လို့ ရိုက်လိုက်တာနဲ့ “Puppet State” (ရုပ်သေးရုပ် နိုင်ငံ) ဆိုပြီး အလိုအလျောက် ပြောင်းပစ်လိုက်တာပါ။ လူငယ်တွေသုံးတဲ့ Slang စကားလုံးတွေကိုလည်း သုံးခွင့်မပေးဘဲ ဝါဒဖြန့် စကားလုံးတွေနဲ့ အစားထိုးပစ်ပါတယ်။

Man gets his hands on two illegal North Korean smartphones to put them through tests

ဒါ့အပြင် ဒီဖုန်းတွေဟာ ပြင်ပကမ္ဘာနဲ့ ချိတ်ဆက်လို့မရပါဘူး။ အင်တာနက် လုံးဝသုံးမရဘဲ အစိုးရက ခွင့်ပြုထားတဲ့ အကြောင်းအရာတွေပဲ ကြည့်လို့ရတဲ့ “Mirae” ဆိုတဲ့ ပြည်တွင်းဖြစ် Intranet ကွန်ရက်ကိုပဲ သုံးခွင့်ပေးထားပါတယ်။

အဆိုးဆုံးနဲ့ ကြောက်စရာအကောင်းဆုံးကတော့ စောင့်ကြည့်ရေးစနစ်ပါပဲ။ ဖုန်းအသုံးပြုနေတဲ့အချိန်မှာ အသုံးပြုသူ မသိအောင် Screen ကို Screenshot တွေ ခိုးရိုက်ပြီး သိမ်းထားတတ်ပါတယ်။ ဒီပုံတွေကို သုံးစွဲသူက ပြန်ကြည့်လို့လည်း မရသလို၊ ဖျက်ပစ်လို့လည်း မရပါဘူး။ ဒါဟာ အာဏာပိုင်တွေက ပြည်သူတွေ ဘာလုပ်နေလဲဆိုတာကို အချိန်မရွေး စစ်ဆေးနိုင်ဖို့ ထည့်သွင်းထားတဲ့ လက်နက်တစ်ခုသဖွယ် ဖြစ်နေပါတယ်။

Ref : Fossbytes