Honor စမတ်ဖုန်းနဲ့ Wearables တွေဟာ နိုင်ငံများစွာမှာ ရောင်းအားအကောင်းဆုံး နံပါတ် ၅ ထဲဝင်နေ

၂၀၁၉ ခုနှစ်မှာ Honor ဟာ ရောင်းအား ကောင်းခဲ့ပြီး အရင်နှစ်ကထက် စမတ်ဖုန်း ရောင်းအားဟာ ၂၁ ရာခိုင်နှုန်းတိုးတက်လာပါတယ်။ အခုဆိုရင် Honor စမတ်ဖုန်းနဲ့ Wearables တွေဟာ နိုင်ငံများစွာရဲ့ ရောင်းအားအကောင်းဆုံးစာရင်းတွေမှာ နံပါတ် ၅ ထဲဝင်နေပါတယ်။ ရုရှားမှာ ရောင်းအား အကောင်းဆုံးဖြစ်ပြီး Honor ရဲ့ ဖုန်းတွေဟာ ၂၀၁၉ ခုနှစ် ပထမဆုံး ၃ ကွာတားဖြစ်တဲ့ ဇန်နဝါရီလကနေ စက်တင်ဘာလအတွင်း နံပါတ် ၂ နေရာကို သိမ်းပိုက်ထားပါတယ်။ Honor ရဲ့ Wearables တွေက ရုရှားမှာ နံပါတ် ၁ ရောင်းအား အကောင်းဆုံး ဖြစ်နေပါတယ်။

အနောက်ဥရောပမှာလည်း Honor ရဲ့ Device တွေကို လက်ခံလာကြပြီး စမတ်ဖုန်းနဲ့ Wearables တွေဟာ ဂျာမနီနဲ့ ပြင်သစ်မှာ နံပါတ် ၅ စာရင်းထဲ ဝင်နေပါတယ်။ ပြင်သစ်မှာ HiHonor အွန်လိုင်းစတိုးကို ပြီးခဲ့တဲ့ ၁၀ ရက်လောက်က ဖွင့်လှစ်ခဲ့ပြီး အနာဂတ်မှာ HiHonor စတိုးဖွင့်လှစ်မယ့် စာရင်းကို အောက်မှာ လေ့လာနိုင်ပါတယ်။

Honor ရဲ့ စမတ် လက်ပတ်တွေဟာ အိန္ဒိယမှာ ရောင်းအား အရမ်းလန်းနေပါတယ်။ Honor Band 5 Series ဟာ Amazon.in ရဲ့ Telephones and Accessories Category မှာ ရောင်းအား အကောင်းဆုံး ဖြစ်နေပါတယ်။ Honor WatchMagic 2 ဟာလည်း Sports Gadgets Category မှာ နံပါတ် ၁ နေရာကို သိမ်းပိုက်ထားပါတယ်။

Ref : gsmarena