Apple CEO Tim Cook က ကုမ္ပဏီဟာ ကိုရိုနာဗိုင်းရက်စ်ကို တိုက်ဖျက်ဖို့ အမေရိကန်နဲ့ ဥရောပမှာ Masks သန်းနဲ့ချီလှူဒါန်းနေတယ်လို့ စနေနေ့က တွစ်တာမှာ ကြေညာခဲ့ပါတယ်။ ဒုတိယ သမ္မတ Mike Pence ကလည်း “ Apple ဟာ နိုင်ငံ အဝန်းမှာ Masks ၂ သန်း လှူဒါန်းနေတယ်လို့ သမ္မတနဲ့ ကျွန်တော့်ကို ပြောပါတယ်။ အစိုးရနဲ့ ပူးပေါင်းပြီး ဖြန့်ဝေပေးမှာ ဖြစ်ပါတယ်။ “ လို့ အိမ်ဖြူတော် သတင်းစာရှင်းလင်းပွဲ ၁ ခုမှာ ပြောခဲ့ပါတယ်။
Our teams at Apple have been working to help source supplies for healthcare providers fighting COVID-19. We’re donating millions of masks for health professionals in the US and Europe. To every one of the heroes on the front lines, we thank you.
— Tim Cook (@tim_cook) March 21, 2020
Apple က Masks ၂ သန်းကို ဘယ်လို ဝယ်ယူထားသလဲဆိုတာ မပြောပါဘူး။ ကမ္ဘာအဝန်းမှာ Mask ဝယ်လိုအား အရမ်းများနေတဲ့အတွက် ပစ္စည်း ပြတ်လပ်မှုတွေ ရှိနေပါတယ်။ Amazon CEO Jeff Bezos က “ Masks တွေ ပစ္စည်းပြတ်နေပါတယ်။ ရုံးတက်ပြီး အလုပ်လုပ်ရမယ့် ဝန်ထမ်းတွေအတွက် Masks သန်းဂဏန်းမှာထားပေမယ့် အပြည့်အဝ ရမှာမဟုတ်ပါဘူး။ “ လို့ ဝန်ထမ်းတွေကို စနေနေ့က ပြောကြားခဲ့ပါတယ်။
I want to publicly thank @elonmusk for sending a truckload of PPEs (masks, gowns, etc.) to UCLA Health today! They will be put to good use. My wife, her co-workers and her patients thank you profusely. pic.twitter.com/SiAdqMcPCT
— Peyton Reed (@MrPeytonReed) March 22, 2020
Pence က ကျန်းမာရေးနဲ့ လူမှုဖူလုံရေး ဌာနက N95 Masks သန်းဂဏန်းမှာယူထားတယ်လို့ ပြောပေမယ့် ဘယ်က မှာထားလဲဆိုတာ မပြောပါဘူး။ ကျန်းမာရေးဝန်ထမ်းတွေအတွက် Masks တွေ ပြတ်လပ်နေတာဟာ တကယ့် ပြဿနာ ဖြစ်လာပြီး ကိုရိုနာဗိုင်းရက်စ် လူနာတွေကို ကုသတဲ့အခါမှာ ကူးစက်မှုဖြစ်ပွားလာနိုင်ပါတယ်။ Pence က ဆေးရုံတွေထံ Masks တွေ လှူဒါန်းဖို့ ဆောက်လုပ်ရေး ကုမ္ပဏီတွေကို ပြီးခဲ့တဲ့ ၁ ပတ်က တောင်းဆိုခဲ့ပါတယ်။ ဆောက်လုပ်ရေး လုပ်ငန်းသုံး Masks တွေဟာ အသက်ရှူလမ်းကြောင်း ရောဂါ မကူးစက်အောင် ကာကွယ်ပေးနိုင်တယ်လို့ Pence က အင်္ဂါနေ့က ပြောပါတယ်။
တချို့ ကုမ္ပဏီတွေဟာ အစိုးရကို တိုက်ရိုက် လှူဒါန်းနေပါတယ်။ Tesla CEO Elon Musk ကလည်း PPE ဝတ်စုံတွေ၊ Masks တွေကို UCLA Health Facility ကို လှူဒါန်းခဲ့ပါတယ်။ Facebook CEO Mark Zuckerberg က ကုမ္ပဏီဟာ Masks ၇၂၀,၀၀၀ ကို လှူဒါန်းနေတယ်လို့ ပြောပါတယ်။
Ref : theverge
