နှစ်စဉ်နှစ်တိုင်း Fortune က ကမ္ဘာမှာ အထင်ကြီး အလေးစားခံရဆုံး ကုမ္ပဏီ စာရင်းကို ထုတ်ပြန်ကြေညာလေ့ရှိပြီး Apple ဟာ ၁၇ နှစ်ဆက်တိုက် နံပါတ် ၁ နေရာကို ရသွားပါတယ်။ အဲဒီစာရင်းမှာ ကုမ္ပဏီပေါင်း ၁,၅၀၀ ပါဝင်ပြီး ၁,၀၀၀ က အမေရိကန် အခြေစိုက် ကုမ္ပဏီတွေ ဖြစ်ပြီး ၅၀၀ က အမေရိကန် ပြင်ပက ဖြစ်ပါတယ်။ အဲဒီကုမ္ပဏီ အားလုံးဟာ ဝင်ငွေ အနည်းဆုံး ဒေါ်လာ ၁၀ ဘီလီယမ်ရှိကြပါတယ်။
ကုမ္ပဏီ ၁,၅၀၀ ထဲမှာ Fortune က ထိပ်ဆုံး ကုမ္ပဏီတွေကိုပဲ စာရင်းပြုစုခဲ့ပြီး ကုမ္ပဏီ ၆၈၀ ကိုပဲ ရွေးချယ်ခဲ့ပါတယ်။ အရာရှိ၊ ဒါရိုက်တာနဲ့ လေ့လာဆန်းစစ်သူ ၃,၇၀၀ ကို ရင်းနှီးမြှပ်နှံမှု တန်ဖိုး၊ စီမံခန့်ခွဲမှူ အရည်အသွေး၊ လူမှုအဖွဲ့အစည်း တာဝန်ယူမှု စတဲ့ ကဏ္ဍများစွာမှာ ကုမ္ပဏီ တစ်ခုချင်းစီအတွက် အဆင့်သတ်မှတ်ချက်တွေ ပေးစေခဲ့ပါတယ်။
Apple ဟာ စာရင်းမှာ နံပါတ် ၁ နေရာကို ရခဲ့ပြီး လူမှုအဖွဲ့အစည်း တာဝန်ယူမှု၊ ဘဏ္ဍာရေး ခိုင်မာမှု၊ တီထွင်ဆန်းသစ်မှုနဲ့ ကမ္ဘာမှာ ပြိုင်ဆိုင်နိုင်မှု အပိုင်းတွေမှာ အမှတ်အများဆုံးရခဲ့ပါတယ်။ Apple ရဲ့ အနောက်မှာ Microsoft နဲ့ Amazon တို့ ရပ်တည်နေပါတယ်။ Microsoft ဟာ ဒီနှစ်မှာ နံပါတ် ၂ နေရာကို ရခဲ့ပြီး ကွန်ပြူတာ ဆော့ဖ်ဝဲ နယ်ပယ်မှာ အမှတ်ကောင်းခဲ့ပါတယ်။ Amazon က အဆင့် ၁ ခု ကျဆင်းသွားပေမယ့် အင်တာနက် ဝန်ဆောင်မှုနဲ့ စတိုး ကဏ္ဍမှာ အမှတ်ကောင်းခဲ့ပါတယ်။
Apple ဟာ နံပါတ် ၁ နေရာကို ရသွားပေမယ့် ၈.၁၉ အမှတ်ပဲရခဲ့ကာ အရင်နှစ်ရဲ့ ၈.၆၅ အမှတ်ထက် နည်းခဲ့ပါတယ်။
Ref : gsmarena
