Apple က iPhone တွေကို ပစ်မှတ်ထား တိုက်ခိုက်နေတဲ့ Spyware နဲ့ ပတ်သက်ပြီး နိုင်ငံပေါင်း ၉၂ ခုမှ User တွေထံ သတိပေးစာတွေ ပေးပို့လိုက်ပါတယ်။ သတိပေးစာမှာ “ သင့် Apple ID ကို ခိုးယူပြီး iPhone ကို အဝေးကနေ ထိန်းချုပ်နိုင်တဲ့ Spyware ၁ ခု ထွက်ပေါ်နေပါတယ်။ သင့်ဖုန်းရဲ့ ဒေတာတွေကို ခိုးယူသွားနိုင်ပါတယ်။ “ လို့ ရေးသားထားပါတယ်။
Apple က အဲဒီ တိုက်ခိုက်မှုကို ကာကွယ်နိုင်မယ့် နည်းလမ်း အသေးစိတ်ကို မပြောသေးပေမယ့် တကယ် အလေးအနက်ထားပြီး သတိပေးလိုက်တာလို့ ပြောပါတယ်။
Apple ဟာ ဒီလို သတိပေးစာတွေ ပေးပို့တာ ဒါ ပထမဆုံး အကြိမ် မဟုတ်ပါဘူး။ ၂၀၂၁ ခုနှစ်ကတည်းက ကုမ္ပဏီဟာ နိုင်ငံပေါင်း ၁၅၀ ကျော်မှ User တွေထံ သတိပေးစာတွေ ပေးပို့ခဲ့ပြီး ပြီးခဲ့တဲ့နှစ်ကလည်း အိန္ဒိယမှ မီဒီယာသမားတွေနဲ့ နိုင်ငံရေးသမားတွေထံ ပေးပို့ခဲ့ပါတယ်။ Apple က အခု သတိပေးစာပေးပို့တဲ့ နိုင်ငံစာရင်းကိုတော့ မပြောပါဘူး။
Apple ဟာ User လုံခြုံရေးကို အလေးထားတဲ့ ကုမ္ပဏီ ဖြစ်ပြီး သင်ဟာ Apple ရဲ့ သတိပေးစာကို ရရှိရင် သင့် iPhone လုံခြုံရေးကို အကောင်းဆုံး ပြုလုပ်ထားသင့်ပါတယ်။
Ref : gizmochina
