နိုင်ငံတကာ စက်ရုပ် အဖွဲ့အစည်းရဲ့ နောက်ဆုံး စစ်တမ်းအရ တရုတ်ဟာ စက်မှုလုပ်ငန်းသုံး စက်ရုပ်တွေ အသုံးပြုမှုမှာ ဂျာမနီနဲ့ ဂျပန်ထက် ကျော်လွန်သွားပါတယ်။
တရုတ်ဟာ ၂၀၂၃ ခုနှစ်မှာ လုပ်သား ၁၀,၀၀၀ မှာ စက်ရုပ် ၄၇၀ ကို အသုံးပြုထားပြီး အရင်နှစ်က စက်ရုပ် ၄၀၂ ထက် ပိုများလာပါတယ်။ တရုတ်ဟာ တောင်ကိုရီးယားနဲ့ စင်ကာပူ နောက်မှာ စက်ရုပ်နဲ့ လုပ်သား အချိုးမှာ နံပါတ် ၃ နေရာကို ရထားတယ်လို့ World Robotics 2024 Report မှာ ဖော်ပြထားပါတယ်။
နှိုင်းယှဉ်ကြည့်ရင် လုပ်သား ၁၀,၀၀၀ မှာ စက်ရုပ် ၄၂၉ ကို ဂျာမနီနဲ့ ၄၁၉ ကို ဂျပန်က အသုံးပြုထားပါတယ်။
တရုတ်ဟာ စက်မှုလုပ်ငန်းမှာ စက်ရုပ် အသုံးပြုတဲ့ အဆင့်ဟာ ၂၀၁၉ ခုနှစ်မှာ ထိပ်ဆုံး ၁၀ နိုင်ငံထဲ ပါဝင်ခဲ့ပြီး လျှင်မြန်စွာ အဆင့်တက်လာတာ ဖြစ်ပါတယ်။ ပြီးခဲ့တဲ့ ၄ နှစ်အတွင်း တရုတ်ဟာ စက်ရုပ် အသုံးပြုမှု ၂ ဆ တိုးတက်အောင် ပြုလုပ်နိုင်ခဲ့ပါတယ်။
အခုနောက်ဆုံး စစ်တမ်းအရ တရုတ်ရဲ့ စက်မှုလုပ်ငန်းမှာ စက်ရုပ် အသုံးပြုတဲ့ နည်းဗျူဟာ ဟာ အောင်မြင်နေပြီး ပြိုင်ဖက် အမေရိကန်နဲ့ ပခုံးချင်းယှဉ်လာနိုင်ပြီ ဖြစ်ပါတယ်။
၂၀၂၁ ခုနှစ်နှောင်းပိုင်းမှာ တရုတ်ဟာ စက်ရုပ် လုပ်ငန်း တိုးတက်စေမယ့် ၅ နှစ် စီမံကိန်းကို ကြေညာခဲ့ပါတယ်။ စက်ရုပ် ရောင်းချမှု ၂၀ ရာခိုင်နှုန်း တိုးတက်အောင်နဲ့ ၂၀၂၅ ခုနှစ်မှာ စက်ရုပ် သုံးစွဲမှု ၂ ဆ မြင့်မားအောင် ပြုလုပ်ဖို့ ရည်ရွယ်ထားပါတယ်။
Ref : south china morning post
