Google က Android နဲ့ iOS တို့ရဲ့ Google Search App က Search Labs Tab အောက်မှာ Tool အသစ် တစ်ခုကို မိတ်ဆက်လိုက်ပါတယ်။ အဲဒီ Tool အသစ်ဟာ Search Generative Experience (SGE) ရဲ့ တစ်စိတ်တစ်ပိုင်း ဖြစ်ပြီး Google AI Chatbot Bard နဲ့ မတူတဲ့ ထုတ်ကုန် ဖြစ်ပါတယ်။ အခု Tool က ရှာဖွေမှုရလဒ်တွေ ပိုကောင်းစေဖို့ ရည်ရွယ်ထားပြီး မကြာခင် Chrome မှာ ရတော့မှာပါ။
SGE ရဲ့ လုပ်ဆောင်ချက်အသစ်ရဲ့ ရည်ရွယ်ချက်က User တွေ ဆောင်းပါးရှည်တွေကို ဖတ်ရတာ ပိုအဆင်ပြေစေဖို့ ဖြစ်ပြီး အဓိက အချက်တွေကို အတိုချုပ် ပြသပေးပါတယ်။ ဆောင်းပါး အကြောင်းအရာတွေနဲ့ ရင်းနှီးမှု မရှိတဲ့ သူတွေအတွက် ပိုအသုံးဝင်ပါတယ်။ Google က ဒီလုပ်ဆောင်ချက်ဟာ အခကြေးငွေပေးပြီး ဖတ်ရတဲ့ ဆောင်းပါးတွေမှာ အလုပ်မလုပ်ဘူးလို့ ပြောပါတယ်။
ပြသပေးတဲ့ အဓိက အချက်တွေမှာ လင့်တွေ ထည့်ထားပြီး Generative Tool က သတင်းအချက်အလက် ရယူထားတဲ့ နေရာကို ပို့ဆောင်ပေးပါတယ်။ အဲဒီအတွက် User တွေက သတင်းအချက်အလက်တွေကို စစ်ဆေးနိုင်ပြီး တခြား သတင်းအချက်အလက်တွေကိုပါ လေ့လာနိုင်မှာပါ။ User တွေရဲ့ မေးခွန်းတွေကို ဖြေပေးဖို့ အဲဒီ Tool က ဆောင်းပါးမှ အဖြေတွေကို ထုတ်ပေးနိုင်ပါတယ်။
လက်ရှိမှာ အဲဒီလုပ်ဆောင်ချက် အသစ်ကို Search Labs အောက်မှာ အင်္ဂလိပ် ဘာသာစကားနဲ့ပဲ သုံးနိုင်ပြီး အမေရိကန်မှာပဲ ရပါသေးတယ်။ နိုင်ငံတကာမှာ ဖြန့်ချိမယ့် အချိန်ကို မသိရသေးပါဘူး။
Ref : gsmarena
