Esports World Cup ကို နောက်တစ်ပတ်မှာ ဆော်ဒီအာရေးဗီးယားမှာ ကျင်းပမှာ ဖြစ်ပြီး EWCF ရဲ့ အကြီးအကဲတွေက Honor နဲ့ ပူးပေါင်းဖို့ လက်မှတ်ရေးထိုးလိုက်ကြပါတယ်။
Honor 200 Pro ဟာ အဲဒီပြိုင်ပွဲရဲ့ တရားဝင် စမတ်ဖုန်း ဖြစ်လာပြီး Free Fire, Honor of Kings နဲ့ Women’s ML:BB လို နာမည်ကြီး ဂိမ်းပြိုင်ပွဲတွေမှာ ကစားသမားတွေက အဲဒီ စမတ်ဖုန်းကို အသုံးပြုကြမှာ ဖြစ်ပါတယ်။
Esports World Cup Foundation ရဲ့ CEO Ralf Reichert က EWC ကစားသမားတွေဟာ ဂိမ်း နည်းပညာမှာ အကောင်းဆုံးကို တောင်းဆိုကြပြီး Honor 200 Pro ဟာ သူတို့ရဲ့ စံနှုန်းတွေထက် သာလွန်ကောင်းမွန်နေပါတယ်လို့ ပြောပါတယ်။
Honor ရဲ့ CMO Dr Ray က ကုမ္ပဏီဟာ မိုဘိုင်းဂိမ်း ပြိုင်ပွဲ အားလုံးအတွက် တရားဝင် စမတ်ဖုန်းကို ပံ့ပိုးပေးမှာ ဖြစ်ပြီး ကစားသမားတွေဟာ အစွမ်းကုန် အရည်အချင်းတွေကို ပြသနိုင်ကြမှာ ဖြစ်တယ်လို့ ပြောပါတယ်။ သူက ကစားသမားတွေဟာ ဂိမ်း ပြိုင်ပွဲမှာ စံချိန်အသစ်တွေ တင်နိုင်အောင် ကူညီပံ့ပိုးပေးမှာ ဖြစ်တယ်လို့ ပြောပါတယ်။
Honor 200 Pro မှာ Snapdragon 8s Gen 3 Chipset မောင်းနှင်ထားပြီး ဂိမ်း အပါအဝင် မြင့်မားတဲ့ အလုပ်တွေမှာ စွမ်းဆောင်ရည် ကျဆင်းသွားတာ မရှိပါဘူး။ OLED Display က ကောင်းမွန်ပြီး Fast Charging နဲ့ Battery သက်တမ်း မြင့်မားပါတယ်။
Ref : gsmarena
