Honor က ပြီးခဲ့တဲ့နှစ် Honor 300 Series မှာ Lite မော်ဒယ်ကို မကြေညာခဲ့ပါဘူး။ ဒါပေမယ့် ကုမ္ပဏီက ဒီနှစ် Honor 400 Series မှာ Honor 400 Lite ကို မိတ်ဆက်လိုက်ပါတယ်။
Honor 400 Lite မှာ 6.7” AMOLED Flat Display သုံးထားပြီး FHD+ Resolution နဲ့ 120Hz Refresh Rate ပါလာပါတယ်။ 3,500 Nits Peak Brightness ထည့်ထားပြီး In-display Fingerprint Scanner ပါပါတယ်။ ဆေးတောင့်ပုံ Cutout မှာ 16MP ဆဲလ်ဖီး ကင်မရာနဲ့ LED Flash တပ်ထားပါတယ်။
အနောက်ဘက်မှာ ကင်မရာ Island ကို ဆန်းသစ်ထားပြီး ဘဲဥပုံ မဟုတ်တော့ဘဲ လေးထောင့် ဖြစ်လာပါတယ်။ 108MP Main , 5MP Ultrawide ကင်မရာ ၂ လုံး တပ်ထားပါတယ်။ ညာဘက် ပါဝါခလုတ်အောက်မှာ AI ကင်မရာ ခလုတ် တပ်ထားပြီး ကင်မရာ App ကို ဖွင့်တာ၊ ဓါတ်ပုံ၊ ဗီဒီယို ရိုက်တာ၊ Zoom In လုပ်တာတွေ ပြုလုပ်နိုင်ပါတယ်။
Honor 400 Lite မှာ MediaTek Dimensity 7025-Ultra Chipset ပါလာပြီး 8/12GB RAM နဲ့ 128/256GB Storage ထည့်ထားပါတယ်။ Android 15 အခြေပြု MagicOS 9.0 ပါလာပြီး 35W Wired Charging ထောက်ပံ့တဲ့ 5,230mAh Battery တပ်ထားပါတယ်။
Green , Black နဲ့ Grey အရောင်တွေ ထုတ်လုပ်ထားပြီး 8/256GB ကို ဩစတြီးယားမှာ ယူရို ၂၆၉ သတ်မှတ်ထားပါတယ်။ မကြာခင် တခြားနိုင်ငံတွေမှာ ရောင်းမယ်လို့ ထင်ပါတယ်။
Ref: gsmarena
