Honor က Magic V3 Foldable ဖုန်းကို ကြေညာလိုက်ပြီး စွမ်းရည်မြင့် Specs တွေ ထည့်သွင်းထားပါတယ်။ Honor က Magic V3 ကို အရင်မျိုးဆက်ထက် ပိုမို ပေါ့ပါးအောင် ပြုလုပ်ထားပြီး ခေါက်ချိုးထားရင် အထူက ၉.၂ မီလီမီတာ နဲ့ ဖြန့်ထားရင် ၄.၃၅ မီလီမီတာ ရှိပါတယ်။ အလေးချိန်က ၂၂၆ ဂရမ်ပဲ ရှိပါတယ်။
အနောက်ဘက်မှာ စက်ဝိုင်းပုံ ကင်မရာ Island ထည့်သွင်းထားပြီး ပါဝါခလုတ်အောက်မှာ လက်ဗွေရာ ကိရိယာမြှပ်နှံထားပါတယ်။ IPX8 စံနှုန်း ပါလာပြီး ရေအနက် ၂.၅ မီတာအထိ အသုံးပြုနိုင်ပါတယ်။
Display အကြောင်းပြောရရင် 6.43” Main Screen ပါလာပြီး FHD+ Resolution ထောက်ပံ့ထားပါတယ်။ အတွင်းဘက်မှာ 7.92” 2344x2156p Display ထည့်သွင်းထားပါတယ်။ Display ၂ ခုစလုံးဟာ 120Hz LTPO Refresh Rate , 5,000 Nits Peak Brightness , Dolby Vision , HDR Vivid ထောက်ပံ့ထားပြီး Stylus နဲ့ အသုံးပြုနိုင်ပါတယ်။
အနောက်ဘက်မှာ ကင်မရာ ၃ လုံး တပ်ဆင်ထားပြီး 50MP Main (OIS), 40MP Ultrawide Angle နဲ့ 50MP Periscope Telephoto တွေ ဖြစ်ပါတယ်။ အတွင်းဘက်မှာ 20MP ကင်မရာ ထည့်သွင်းထားပါတယ်။
Snapdragon 8 Gen 3 Chip မောင်းနှင်ထားပြီး 16GB RAM နဲ့ 1TB Storage အထိ ထည့်သွင်းထားပါတယ်။ 66W Wired, 50W Wireless Charging ထောက်ပံ့တဲ့ 5,150mAh Battery ပါလာပြီး AI Features တွေ ပါတဲ့ MagicOS 8 ပါပါတယ်။ ဖုန်းလိုင်း မမိတဲ့ အချိန်မှာ စာပို့နိုင်တဲ့ ဂြိုလ်တု ဆက်သွယ်ရေး ထည့်သွင်းထားပါတယ်။
Honor Magic V3 ရဲ့ 12/256GB ကို ၁,၂၄၀ ဒေါ်လာ၊ 16/512GB ကို ၁,၃၈၀ ဒေါ်လာနဲ့ 16GB/1TB ကို ၁,၅၁၆ ဒေါ်လာ သတ်မှတ်ထားပါတယ်။ Silk Road Dunhuang (brown), Qilian Snow (white), Tundra Green နဲ့ Velvet Black အရောင်တွေ ထုတ်လုပ်ထားပါတယ်။
Ref : gizmochina
