Honor က ဇူလိုင်လ ၁၂ ရက်နေ့မှာ Magic V3 နဲ့ Magic Vs3 Foldable စမတ်ဖုန်းတွေကို ကြေညာမှာ ဖြစ်ပြီး ကုမ္ပဏီက အရင်မျိုးဆက်ထက် ပိုမို ပါးလွှာလာမယ်လို့ ပြောထားပါတယ်။
အခုတော့ အွန်လိုင်းမှာ အဲဒီ ဖုန်းတွေရဲ့ ဓါတ်ပုံတွေ ထွက်လာပြီးနောက်မှာ Honor က Teaser ကို မျှဝေလိုက်ပါတယ်။ Magic V3 ဟာ လိမ္မော်ရောင် ဖြစ်ပြီး အနောက်ဘက်မှာ သားရေနဲ့ဖုံးအုပ်ထားပါတယ်။
ပါးလွှာတဲ့ဖရိမ်ကို ရွှေရောင် ဖန်တီးထားပြီး ပြားချပ်တဲ့ ဖရိမ် မဟုတ်ပါဘူး။ အနောက်ဘက်က စက်ဝိုင်းပုံ ကင်မရာ Island ထဲမှာ ကင်မရာ ၃ လုံးကို တြိဂံ ပုံသဏ္ဍာန် ထည့်သွင်းထားပါတယ်။ Periscope Lens ကို ထိပ်မှာ တပ်ဆင်ထားပြီး ကျန်တဲ့ ကင်မရာ ၂ လုံးက အောက်ဘက်မှာ ဖြစ်ပါတယ်။
အဲဒီ ဖုန်းကို ကြေညာဖို့ ရက်အနည်းငယ်သာလိုတော့ပြီး Honor က တရားဝင်မိတ်ဆက်ပွဲ မတိုင်ခင်မှာ အဲဒီဖုန်းရဲ့ သတင်းအချက်အလက်တွေကို ထပ်မံ မျှဝေလာနိုင်ပါတယ်။ Magic V3 ရဲ့ ဘက်ထရီဟာ အရင်မျိုးဆက်ထက် ပိုကြီးလာမလားဆိုတာ မသိရသေးပါဘူး။ Magic V2 မှာတော့ ၄.၇ မီလီမီတာ ကိုယ်ထည်ထဲမှာ 5,000mAh Battery ထည့်သွင်းထားတာ ဖြစ်ပါတယ်။
Ref : gsmarena
