Honor က တန်ဖိုးနည်း X Series ဖုန်း အသစ် ၁ လုံးကို ကြေညာလိုက်ပြီး ရောင်စုံ ထုတ်လုပ်ပေးထားပါတယ်။ Honor X6b မှာ 6.56” TFT LCD Display တပ်ဆင်ထားပြီး HD+ Resolution နဲ့ 90Hz Refresh Rate ထောက်ပံ့ထားပါတယ်။ အရွယ်သေး Notch ပတ်လည်မှာ ဖုန်းနဲ့ App သတင်းအချက်အလက်တွေကို ပြသပေးတဲ့ Magic Capsule ပါလာပြီး အရှေ့ကင်မရာက 5MP ဖြစ်ပါတယ်။
MediaTek Helio G85 Chipset မောင်းနှင်ထားပြီး 4/6GB RAM နဲ့ 128/256GB Storage ထည့်သွင်းထားပါတယ်။ အနောက်ဘက်မှာ 50MP Main နဲ့ 2MP Depth ကင်မရာ ၂ လုံးနဲ့အတူ LED Flash ၁ လုံး တပ်ဆင်ထားပါတယ်။
Android 14 အခြေပြု MagicOS 8.0 မောင်းနှင်ထားပြီး 35W Charging ထောက်ပံ့တဲ့ 5,200mAh Battery ပါပါတယ်။ Forest Green, Starry Purple, Ocean Cyan နဲ့ Midnight Black အရောင်တွေ ထုတ်လုပ်ထားပြီး ဈေးနှုန်းနဲ့ ရောင်းချမယ့် အချိန်ကို Honor က မပြောသေးပါဘူး။
Ref : gsmarena
