MIT က သုတေသီတွေဟာ ကင်ဆာနဲ့ HIV လိုမျိုး ရောဂါတွေကို ဆီး၊ တံတွေး ဒါမှမဟုတ် နှာခေါင်းတို့ဖတ်နမူနာတွေကနေတစ်ဆင့် အိမ်မှာတင် စစ်ဆေးနိုင်မယ့် တစ်ခါသုံး DNA အာရုံခံကိရိယာ (sensor) တစ်ခုကို တီထွင်လိုက်ပြီဖြစ်ပြီး သူ့ရဲ့ကုန်ကျစရိတ်ကတော့ အမေရိကန်ဒေါ်လာ ၅၀ ဆင့်ပဲ ရှိပါတယ်။
ဒီအာရုံခံကိရိယာက CRISPR နည်းပညာကို အသုံးပြုထားပြီး အထူးသဖြင့် Cas12 လို့ခေါ်တဲ့ အင်ဇိုင်း (enzyme) တစ်မျိုးကို အခြေခံထားပါတယ်။ အဲဒီအင်ဇိုင်းက ပစ်မှတ်ထားတဲ့ ရောဂါအမှတ်အသားမော်လီကျူး (disease marker) ကို တွေ့ရှိတဲ့အခါ အသက်ဝင်လာပါတယ်။ ပြီးတော့ အသက်ဝင်လာတဲ့ အင်ဇိုင်းက အာရုံခံကိရိယာပေါ်မှာရှိတဲ့ အနီးအနားက DNA တွေကို ဖြတ်တောက်ဖျက်ဆီးလိုက်ပြီး လျှပ်စစ်အချက်ပြမှု (electrical signal) ကို ပြောင်းလဲစေကာ ရောဂါပိုးရှိကြောင်း (positive) အဖြေကို ပြသပါတယ်။
DNA တွေနဲ့ ဖုံးလွှမ်းထားတဲ့ ရွှေပြား (gold leaf) တစ်ခုနဲ့ တည်ဆောက်ထားတဲ့ ဒီအာရုံခံကိရိယာကို ရိုးရှင်းတဲ့ ပေါ်လီမာအလွှာပါး (polymer film) နဲ့ ကာကွယ်ထားပါတယ်။ အဲဒီအလွှာပါးကြောင့် ရေခဲသေတ္တာမလိုဘဲ အလွန်ပူပြင်းတဲ့အခြေအနေတွေမှာတောင် နှစ်လအထိ တာရှည်ခံနိုင်ပါတယ်။
အခုအခါမှာတော့ အများပြည်သူသုံးစွဲဖို့ မရရှိနိုင်သေးပေမယ့် MIT အဖွဲ့ကတော့ သူတို့ရဲ့ delta v startup အစီအစဉ်ကနေတစ်ဆင့် ကွင်းဆင်းစမ်းသပ်မှုတွေ ပြုလုပ်ဖို့ ပြင်ဆင်နေပြီဖြစ်လို့ လက်တွေ့ကမ္ဘာမှာ အသုံးပြုနိုင်ဖို့ တစ်လှမ်းပိုနီးစပ်လာပါပြီ။
Ref : Technology Innovation
