Motorola က Edge 40 Neo ကို ကြေညာလိုက်ပြီး Dimensity 7030 SoC မောင်းနှင်ထားပါတယ်။ 12GB LPDDR4x RAM နဲ့ 256GB Storage အထိ ရွေးချယ်နိုင်ပြီး Android 13 ပါလာပါတယ်။
6.55” FullHD+ pOLED မျက်နှာပြင်ကွေး တပ်ဆင်ထားပြီး 144Hz Refresh Rate နဲ့ 360Hz Touch Sampling Rate ထည့်သွင်းထားပါတယ်။ HDR10+ စံနှုန်းရထားပြီး 1,300 Nits Peak Brightness ထောက်ပံ့ထားပါတယ်။ မျက်နှာပြင်အောက်မှာ လက်ဗွေရာ ကိရိယာ မြှုပ်နှံထားပြီး Punch Hole မှာ 32MP ဆဲလ်ဖီး ကင်မရာ တပ်ဆင်ထားပါတယ်။
အနောက်ဘက်မှာ 50MP Main (OIS) နဲ့ 13MP Ultrawide ကင်မရာ ၂ လုံး တပ်ဆင်ထားပါတယ်။ ဒုတိယ ကင်မရာမှာ Macro Shot အတွက် Autofocus ပါပါတယ်။ PANTONE Black Beauty, PANTONE Soothing Sea နဲ့ PANTONE Caneel Bay အရောင် ၃ မျိုးထုတ်လုပ်ထားပါတယ်။
IP68 ရေစိုခံစံနှုန်း၊ 5G နဲ့ NFC ထည့်သွင်းထားပြီး Dolby Atmos ထောက်ပံ့တဲ့ စတီရီယို စပီကာတွေ ပါပါတယ်။ 68W Charging ပါတဲ့ 5,000mAh Battery တပ်ဆင်ထားပြီး Motorola က ၁၅ မိနစ်နဲ့ ၅၀ ရာခိုင်နှုန်း အားသွင်းပေးနိုင်တယ်လို့ ပြောပါတယ်။
တန်ဖိုးအနည်းဆုံး မော်ဒယ်ကို ၃၉၉ ယူရို သတ်မှတ်ထားပြီး စက်တင်ဘာလ ၂၁ ရက်နေ့ အိန္ဒိယမှာ ရောင်းမှာပါ။
Ref : gsmarena
