Motorola Moto E20 ကို ဩဂုတ်လနှောင်းပိုင်းက Geekbench မှာ တွေ့ခဲ့ရပြီး အဓိက Specifications တွေကို ဖော်ပြထားပါတယ်။ အဲဒီ စမတ်ဖုန်းရဲ့ လျှို့ဝှက်နာမည်က Aruba ဖြစ်ပြီး Octa-core Processor မောင်းနှင်ထားတယ်လို့ စာရင်းတင်ထားပါတယ်။
အခုတော့ Motorola က Moto E20 ကို ဥရောပမှာ တရားဝင် ကြေညာလိုက်ပြီး ယူရို ၁၀၀ သတ်မှတ်ထားပါတယ်။ လက်ရှိပေါက်ဈေးအရ မြန်မာငွေနဲ့တွက်ရင် ၂ သိန်း ၁ သောင်းလောက်ပဲ ရှိတဲ့အတွက် ဈေးနှုန်း တော်တော်ချိုသာတဲ့ စမတ်ဖုန်း ဖြစ်ပါတယ်။
Motorola Moto E20 မှာ ၆.၅ လက်မ LCD HD+ မျက်နှာပြင် ထည့်သွင်းထားပြီး အရွယ်သေး Notch မှာ 5MP ဆဲလ်ဖီး ကင်မရာ တပ်ဆင်ထားပါတယ်။ အနောက်ဘက်မှာ 13MP Main နဲ့ 2MP Depth ကင်မရာ ၂ လုံးကို LED Flash ၁ လုံးနဲ့ ပူးတွဲထားပါတယ်။
Unisoc T606 Chipset မောင်းနှင်ထားပြီး 2GB RAM နဲ့ 32GB Storage ထည့်သွင်းထားသလို microSD Card နဲ့ Storage ကို မြှင့်တင်နိုင်ပါတယ်။ Android 11 Go Edition ပါလာပြီး ဘက်ထရီက 4,000mAh ဖြစ်ပါတယ်။ 10W Charging ထောက်ပံ့ထားပြီး USB-C Port ပါပါတယ်။ IP52 စံနှုန်း ရရှိထားပြီး ရေစက်ရေပေါက်တွေကို ခံနိုင်ပါတယ်။ ဥရောပမှာ နောက်လအတွင်း ရောင်းချမှာ ဖြစ်ပြီး အပြာနဲ့ အညိုရောင်တွေ ထုတ်လုပ်ထားပါတယ်။
Ref : gsmarena
