Motorola က ပြီးခဲ့တဲ့ တစ်ပတ်မှာ Moto G24 ကို ကြေညာခဲ့ပြီး အခုတော့ Power Version ကို မိတ်ဆက်လိုက်ပါတယ်။ Power Version ဟာ Moto G24 ကို အခြေခံထားတာ ဖြစ်ပြီး ပိုကြီးတဲ့ Battery ၊ ပိုမြန်တဲ့ အားသွင်းနှုန်းနဲ့ Resolution ပိုမြင့်တဲ့ ဆဲလ်ဖီး ကင်မရာ ပါလာပါတယ်။
Motorola Moto G24 မှာ 5,000mAh Battery ၊ 15W Charging နဲ့ 8MP ဆဲလ်ဖီး ကင်မရာ ပါပါတယ်။ Moto G24 Power မှာ 6,000mAh Battery ၊ 30W Charging နဲ့ 16MP ဆဲလ်ဖီး ကင်မရာ တပ်ဆင်ထားပါတယ်။
ကျန်တဲ့ Specs တွေက ဖုန်း ၂ လုံးမှာ တူညီကြပြီး Moto G24 Power မှာ Helio G85 SoC ၊ 6.56” 90Hz HD+ LCD မျက်နှာပြင်နဲ့ 50MP Main+2MP Macro အနောက်ကင်မရာ ၂ လုံး ပါပါတယ်။ Android 14 မောင်းနှင်ထားပြီး ဘေးဘက်လက်ဗွေရာ ကိရိယာ၊ နားကြပ်ပေါက်၊ USB-C ၊ စတီရီယို စပီကာနဲ့ Dolby Atmos ထည့်သွင်းထားပါတယ်။ 1TB microSD Card စိုက်နိုင်ပါတယ်။
Motorola Moto G24 Power အတွက် Glacier Blue နဲ့ Ink Blue အရောင်တွေ ထုတ်လုပ်ထားပြီး 4GB/128GB နဲ့ 8GB/128GB ကို ၁၁၀ ဒေါ်လာနဲ့ ၁၂၀ ဒေါ်လာ အသီးသီး သတ်မှတ်ထားပါတယ်။ အိန္ဒိယမှာ Motorola ရဲ့ တရားဝင် ဝက်ဘ်ဆိုက်၊ Flipkart နဲ့ တခြားနာမည်ကြီး စတိုးတွေကနေ ဖေဖော်ဝါရီလ ၇ ရက်နေ့မှာ ရောင်းချမှာပါ။
Ref : gsmarena
