Motorola က နောက်မျိုးဆက် Foldable ဖုန်းကို ကြေညာလိုက်ပါတယ်။ Moto Razr 50 လို့ အမည်ပေးထားပြီး ကြီးမားတဲ့ Cover Screen ပါလာပါတယ်။ အိန္ဒိယမှာ Motorola က ကြေညာလိုက်တာ ဖြစ်ပြီး Specs အပြည့်အစုံကို အောက်မှာ လေ့လာနိုင်ပါတယ်။
Motorola Razr 50 မှာ 6.9” pOLED FlexView Display တပ်ဆင်ထားပြီး LTPO Support ပါပါတယ်။ 120Hz Refresh Rate , FHD+ Resolution , HDR10+ နဲ့ 3,000 Nits Peak Brightness ထောက်ပံ့ထားပါတယ်။ External Screen က 3.6” pOLED Panel ဖြစ်ပြီး 90Hz Refresh Rate ထောက်ပံ့ထားကာ Corning Gorilla Glass Victus နဲ့ ကာကွယ်ထားပါတယ်။
MediaTek Dimensity 7300X SoC မောင်းနှင်ထားပြီး 8GB RAM နဲ့ 256GB Storage ပါပါတယ်။ Android 14 OS မောင်းနှင်ထားပါတယ်။ အနောက်ဘက်မှာ 50MP Main , 13MP Ultrawide နဲ့ အရှေ့ဘက်မှာ 32MP ကင်မရာ တပ်ဆင်ထားပါတယ်။
4,200mAh Battery ပါလာပြီး 33W Wired နဲ့ 15W Wireless Charging ထောက်ပံ့ထားပါတယ်။ Sand Beach, Koala Gray နဲ့ Spritz Orange အရောင်တွေ ထုတ်လုပ်ထားပြီး 8/256GB ကို ၆၄,၉၉၉ ရူပီး သတ်မှတ်ထားပါတယ်။
Ref : gizmochina
