realme က စွမ်းရည်မြင့် GT5 ကို ကြေညာလိုက်ပြီး 150W နဲ့ 240W Version ၂ မျိုး ထုတ်လုပ်ထားပါတယ်။ 150W Version အတွက် 12/256GB နဲ့ 16/512GB ၂ မျိုးထုတ်လုပ်ထားပြီး ၄၁၀ ဒေါ်လာနဲ့ ၄၅၀ ဒေါ်လာ အသီးသီး ကျသင့်ပါတယ်။
240W Version အတွက် 24GB RAM/1TB Storage ၁ မျိုးထဲ ထုတ်လုပ်ထားပြီး ၅၂၀ ဒေါ်လာ သတ်မှတ်ထားပါတယ်။ အားသွင်းနှုန်း မတူညီကြသလို ဘက်ထရီတွေလည်း ကွဲပြားကြပါတယ်။ 150W အတွက် 5,240mAh Battery နဲ့ 240W အတွက် 4,600mAh Battery တပ်ဆင်ထားပါတယ်။
240W အားသွင်းစနစ်ဟာ ၈၀ စက္ကန့်ထဲနဲ့ ၂၀ ရာခိုင်နှုန်း အားသွင်းပေးနိုင်ပါတယ်။ 150W Version က ဘက်ထရီ ပမာဏပိုများသလို ၇ မိနစ်မှ ၅၀ ရာခိုင်နှုန်း အားပြည့်ပါတယ်။
မော်ဒယ် ၂ ခုစလုံးမှာ Snapdragon 8 Gen 2 Chipset မောင်းနှင်ထားပြီး 20,827mm² Vapor Chamber ပါတဲ့ 9-layer Cooling System က ဖုန်း အပူချိန်ကို လျှော့ချပေးပါတယ်။
6.74” AMOLED 1240x2772p မျက်နှာပြင်ပြား တပ်ဆင်ထားပြီး 1,400 Nits Brightness , 144Hz Refresh Rate နဲ့ 2160Hz High Frequency PWM Dimming ထောက်ပံ့ထားပါတယ်။
အနောက်ဘက်မှာ 50MP Main (OIS) , 8MP Ultrawide , 2MP Macro ကင်မရာတွေ တပ်ဆင်ထားပြီး LED Light က အရောင် ၂၆ မျိုးပြသပေးပါတယ်။ ဆဲလ်ဖီး ကင်မရာက 16MP ဖြစ်ပါတယ်။
Dual-SIM 5G ဖုန်း ဖြစ်ပြီး WiFi 7, Bluetooth 5.3 ထောက်ပံ့ထားပါတယ်။ Dolby Atmos ပါတဲ့ စတီရီယို စပီကာတွေ ပါလာပြီး Haptic Feedback အတွက် X-axis Linear Motor တပ်ဆင်ထားပါတယ်။ လက်ဗွေရာ ကိရိယာကို မျက်နှာပြင်အောက်မှာ မြှပ်နှံထားပါတယ်။
တရုတ်မှာ ကြိုတင်မှာယူနိုင်ပြီ ဖြစ်ပြီး စက်တင်ဘာလ ၄ ရက်နေ့ ရောင်းချမှာပါ။ Silver နဲ့ Green ၂ ရောင် ထုတ်လုပ်ထားပါတယ်။
Ref : gsmarena
