realme က အိန္ဒိယမှာ realme Pad 2 ကို ကြေညာလိုက်ပြီး realme Pad, realme Pad mini နဲ့ realme Pad X တို့ပြီးနောက် ကုမ္ပဏီရဲ့ စတုတ္ထမြောက် တက်ဘလက် ဖြစ်လာပါတယ်။ အရင်မျိုးဆက်ထက် ဒီဇိုင်းပိုကောင်းလာပြီး အဆင့်မြှင့်ထားတဲ့ Specs တွေ ပါလာပါတယ်။
Realme Pad 2 ဟာ မူလ realme Pad ထက် ပိုကြီးလာပြီး 11.5” LCD 2000x1200p မျက်နှာပြင် တပ်ဆင်ထားပါတယ်။ 450 Nits Peak Brightness ၊ 85.2% Screen-to-body Ratio ပါလာပြီး 40Hz/60Hz/120Hz Adaptive Refresh Rate နဲ့ DC Dimming ထောက်ပံ့ထားပါတယ်။
ပြားချပ်တဲ့ ဖရိမ် ပါလာပြီး ထောင့်စွန်းတွေက ကွေးညွှတ်ပါတယ်။ အနောက်ဘက်ရဲ့ ဘယ်ဘက်ထောင့်မှာ 8MP ကင်မရာ တပ်ဆင်ထားပြီး 8MP ဆဲလ်ဖီး ကင်မရာ ပါလာပါတယ်။
MediaTek Helio G99 Chipset မောင်းနှင်ထားပြီး Android 13 အခြေပြု realme UI 4.0 ပါပါတယ်။ Multi-screen Collaboration ၊ Split Screen ၊ Dual Windows ၊ Flexible Windows ၊ Smart Sidebar နဲ့ Google Kids Space လို အသုံးဝင်တဲ့ ဆော့ဖ်ဝဲ လုပ်ဆောင်ချက်တွေ ထည့်ထားပါတယ်။
Dolby Atmos ထောက်ပံ့တဲ့ စပီကာ ၄ လုံး တပ်ဆင်ထားပြီး ၇.၂ မီလီမီတာ ကိုယ်ထည်ထဲမှာ 8,360mAh Battery ထည့်ထားပါတယ်။ 33W Wired Charging ထောက်ပံ့ထားပါတယ်။
ဈေးနှုန်း
- 6GB + 128GB – ₹19,999 (~$245)
- 8GB + 256GB – ₹22,999 (~$280)
Inspiration Green နဲ့ Imagination Grey ၂ ရောင်ထုတ်လုပ်ထားပြီး ဩဂုတ်လ ၁ ရက်နေ့ အိန္ဒိယမှာ ရောင်းမှာပါ။
Ref : gizmochina
