realme က တန်ဖိုးနည်း တက်ဘလက် အသစ် ၁ လုံးကို ဖန်တီးနေပြီး မကြာခင် အိန္ဒိယမှာ ကြေညာမှာ ဖြစ်ပါတယ်။ realme Pad 3 ကို အိန္ဒိယမှ အာဏာပိုင်အဖွဲ့အစည်းတွေထံမှာ မှတ်ပုံတင်ထားပါတယ်။ အရင်နှစ်က ကြေညာခဲ့တဲ့ realme Pad 2 ရဲ့ မျိုးဆက်သစ် ဖြစ်ပါတယ်။
realme Pad 3 ကို အိန္ဒိယရဲ့ Bureau of Indian Standards (BIS) မှာ မှတ်ပုံတင်ထားပြီး မော်ဒယ်နံပါတ်က RMP2402 ဖြစ်ပါတယ်။ အဲဒီမှာတော့ တက်ဘလက်ရဲ့ Specs နဲ့ Features တွေကို မဖော်ပြထားပါဘူး။ သေချာတာကတော့ တက်ဘလက်ကို အိန္ဒိယမှာ မကြာခင် ကြေညာမှာလို့ ဖော်ပြထားပါတယ်။
ပေါက်ကြားသတင်းအရ တက်ဘလက်မှာ အနောက်ဘက်မှာ 8MP ကင်မရာ တပ်ဆင်ထားပြီး 3264×2448 Max Resolution ရှိမှာ ဖြစ်ပါတယ်။ f/2.0 Aperture ကို သုံးထားပြီး 2.8mm Focal Length ရှိပါတယ်။ OIS နဲ့ EIS Stabilization ပါလာမလားဆိုတာ မသိရသေးပါဘူး။ အရှေ့ ကင်မရာက 5MP ဖြစ်ပါတယ်။
realme Pad 2 ရဲ့ Specs တွေကို ပြန်လည် လေ့လာကြည့်ရင် 11.5” 2K Display သုံးထားပြီး 120Hz Refresh Rate ပါပါတယ်။ MediaTek Helio G99 SoC မောင်းနှင်ထားပြီး 33W Charging ထောက်ပံ့တဲ့ 8,360mAh Battery ပါပါတယ်။
Ref : gizmochina
