Redmi က စွမ်းရည်မြင့် K30 Pro ကို ဒီနှစ်အစောပိုင်းမှာ ကြေညာခဲ့ပြီး အခုတော့ Redmi က အဲဒီဖုန်း ထုတ်လုပ် ရောင်းချတာကို ရပ်နားလိုက်ပြီလို့ ကြေညာလိုက်ပါတယ်။ ဒီ သတင်းကို Redmi ရဲ့ အထွေထွေ မန်နေဂျာ Lu Weibing က အတည်ပြုလိုက်တာပါ။
ပြီးခဲ့တဲ့ လအနည်းငယ်က ကြေညာခဲ့တဲ့ စွမ်းရည်မြင့် Mi 10 Pro နဲ့ Mi 10 Ultra ထုတ်လုပ်ရောင်းချတာ ရပ်နားမယ်ဆိုတဲ့ သတင်းထွက်လာပြီး ရက်အနည်းငယ်အကြာမှာ ဒီသတင်းကို ကုမ္ပဏီက အတည်ပြုလိုက်တာပါ။
Redmi K30 Pro ရဲ့ Specs တွေကို ပြန်လည် ဖော်ပြချင်ပါတယ်။ Redmi K30 Pro မှာ ၆.၆၇ လက်မ Super AMOLED Full HD+ မျက်နှာပြင် ထည့်သွင်းထားပြီး မျက်နှာပြင်အောက် လက်ဗွေရာ ကိရိယာ ထည့်ထားပါတယ်။ Snapdragon 865 SoC မောင်းနှင်ထားပြီး 8GB LPDDR5 RAM နဲ့ 128GB Storage ထည့်သွင်းထားပေမယ့် microSD Card Slot မပါပါဘူး။
အနောက်ဘက်မှာ 64MP Main , 5MP Telephoto , 13MP Ultrawide နဲ့ 2MP Depth ကင်မရာ ၄ လုံးနဲ့ 20MP Pop Up ဆဲလ်ဖီး ကင်မရာ ၁ လုံး ပါပါတယ်။ 30W Fast Charging ထောက်ပံ့တဲ့ 4,700mAh ဘက်ထရီ ထည့်ထားပြီး Android 10 မောင်းနှင်ထားပါတယ်။
Ref : gizmochina
