Galaxy S23 Series မှာ 8K 30fps ထောက်ပံ့မှု အပါအဝင် Video ရိုက်ကူးတဲ့ စွမ်းရည် တိုးတက်လာမှာပါ။ (အရင် မျိုးဆက်မှာ အများဆုံး 24fps အထိပဲ ထောက်ပံ့ထားပါတယ်။ Leakster Ice Universe က Galaxy S23 Ultra မှာ Portrait Video Mode ပိုကောင်းလာမယ်လို့ ပြောပါတယ်။
Resolution က 4K 30fps အထိ ရှိလာမှာ ဖြစ်ပြီး လက်ရှိ S22 Ultra မှာ 1080p/30fps Video တွေကို Portrait Mode နဲ့ ရိုက်ကူးနိုင်ပါတယ်။ ဒါ့အပြင် Subject နဲ့ Background ကို ခွဲခြားတဲ့ စွမ်းရည်လည်း ပိုကောင်းလာမှာ ဖြစ်ပါတယ်။
အဲဒီတိုးတက်မှုဟာ တခြား Galaxy S23 မော်ဒယ် ၂ လုံးမှာ ပါလာမလားဆိုတာ ရှင်းရှင်းလင်းလင်း မသိရသေးပါဘူး။ Galaxy S23 မော်ဒယ်အားလုံးမှာ တူညီတဲ့ Snapdragon 8 Gen 2 Chipset မောင်းနှင်ထားမှာ ဖြစ်ပါတယ်။ Ultra မှာ ISOCELL HP2 200MP ဆန်ဆာ တပ်ဆင်ထားမှာ ဖြစ်ပြီး S22 နဲ့ S22+ မှာ 50MP ဆန်ဆာတွေကိုပဲ ထည့်သွင်းထားမှာ ဖြစ်ပါတယ်။
Galaxy S23 Ultra မှာ အပူချိန်လျှော့ချပေးတဲ့ စွမ်းရည်ဟာ တိုးတက်လာမှာ ဖြစ်ပြီး စွမ်းအင် များစွာ လိုအပ်တဲ့ Video Mode တွေနဲ့ ရိုက်ကူးတဲ့အခါ အပူချိန် အများကြီး မတက်ဘူးလို့ သတင်းထွက်လာပါတယ်။ Galaxy S23 Series ကို ဖေဖော်ဝါရီလ ၁ ရက်နေ့ တရားဝင် ကြေညာမှာ ဖြစ်ပါတယ်။
Ref : gsmarena
