Samsung ရဲ့ နောက်ထွက်မယ့် Galaxy S23 Ultra မှာ 200MP ကင်မရာ ပါလာမယ်လို့ သတင်းထွက်နေပါတယ်။ ဈေးပိုသက်သာတဲ့ Xiaomi 12T Pro မှာတောင် 200MP ကင်မရာ ထည့်ထားပါတယ်။ ဒါပေမယ့် Samsung ရဲ့ 200MP ကင်မရာမှာ ထူးခြားတဲ့ စွမ်းရည်တွေ ပါလာမှာဖြစ်ပြီး ထွက်ထားဖူးသမျှ 200MP ကင်မရာတွေထဲမှာ အကောင်းဆုံး ဖြစ်လာမှာပါ။
ဒီသတင်းကို နာမည်ကြီး Tipster Ice Universe က ပြောကြားလိုက်တာ ဖြစ်ပြီး Samsung ရဲ့ 200MP ကင်မရာမှာ ပြိုင်ဖက်ကင်း ကွန်ပြူတာ တွက်ချက်မှု စွမ်းရည်တွေ ပါလာမယ်လို့ ပြောပါတယ်။ အဲဒီ ကင်မရာဟာ ညဘက် ဓါတ်ပုံတွေနဲ့ ဗီဒီယိုတွေကို သိသိသာသာ တိုးတက်ကောင်းမွန်စေမှာပါ။
Samsung ရဲ့ ၅ နှစ်အတွင်း ထုတ်ခဲ့တဲ့ စွမ်းရည်မြင့် ကင်မရာတွေထဲမှာ အတိုးတက်ဆုံးလို့တောင် ညွှန်းဆိုထားပါတယ်။ အခု သတင်းထွက်လာသလို S23 Ultra ရဲ့ ကင်မရာဟာ တကယ်ကောင်းသလားဆိုတာ တရားဝင် မိတ်ဆက်ပွဲကို စောင့်ကြည့်ရမှာပါ။
အရင်ပေါက်ကြားသတင်းတွေအရ S23 Ultra ရဲ့ ဒီဇိုင်း အများစုဟာ S22 Ultra နဲ့ တူညီမှာ ဖြစ်ပါတယ်။ ဘက်ထရီ ပမာဏကလည်း တူညီပြီး 5,000mAh ဖြစ်မှာပါ။နိုင်ငံတချို့မှာ အသုံးပြုထားမယ့် Chipset က နောက်လမှာ ကြေညာမယ့် Snapdragon 8 Gen 2 ဖြစ်မှာပါ။
Ref : gsmarena
