Samsung က မကြာခင်က Galaxy Z Flip5 နဲ့ Galaxy Z Fold5 ကို ကြေညာခဲ့ပြီး တောင်ကိုရီးယားမှာ ဩဂုတ်လ ၁ ရက်နေ့က ကြိုတင်မှာယူခွင့်ပေးလိုက်ပါတယ်။ အဲဒီဖုန်း ၂ လုံးကို မှာယူမှုဟာ ၁ သန်းကျော်သွားပြီ ဖြစ်ပြီး ၂၀၂၂ ခုနှစ် Device တွေရဲ့ ရောင်းအား ၉၇၀,၀၀၀ ကို ချိုုးဖျက်နိုင်ခဲ့ပါတယ်။
Galaxy Z Flip5 ဟာ Fold5 ထက် လူကြိုက်ပိုများနေပြီး စုစုပေါင်း အလုံးရေ ၁.၀၂ သန်းရဲ့ ၇၀ ရာခိုင်နှုန်း ဖြစ်ပါတယ်။ အရင်နှစ်ထုတ် Galaxy Z Flip4 ရဲ့ ရောင်းအားက ၆၀ ရာခိုင်နှုန်းပဲ ရှိပါတယ်။ Z Flip5 ကို ကြိုတင်မှာယူမှုဟာ အလုံးရေ ၇၁၄,၀၀၀ ရှိပြီး Fold5 ကတော့ ၃၀၆,၀၀၀ ပဲ ရှိပါတယ်။ တောင်ကိုရီးယားမှာ ကြိုတင်မှာယူခွင့်ပေးတဲ့ ရက်ဟာ အနည်းငယ်ပဲ ကျန်ပါတော့တယ်။
စိတ်ဝင်စားစရာကောင်းတာက အရွယ်ကြီး Galaxy Fold5 ကို အရင်နှစ်က Fold4 လောက် လူကြိုက်မများတော့ဘဲ Fold4 ဟာ ကြိုတင်မှာယူမှု ၃၈၈,၀၀၀ ရှိခဲ့ပါတယ်။
Galaxy Z Flip5 မှာ အရင်မျိုးဆက်ထက် ပိုကြီးတဲ့ ကာဗာ မျက်နှာပြင် တပ်ဆင်ထားတဲ့အတွက် လူကြိုက်ပိုများလာတာ ဖြစ်နိုင်ပါတယ်။ ဒါ့အပြင် ဆဲလ်ဖီး ရိုက်ရင် ပိုကောင်းစေတဲ့ လုပ်ဆောင်ချက်တွေ ပါလာပါတယ်။
Ref : gsmarena
